تحذيرلمن يريد شراء فله جاهزه
السلام عليكم ورحمة الله وبركاته:
اخواني تلاحظون في هذه الايام كثرة المجمعات السكنيه(الدبلكسات) الفلل الصغيره المفصوله بصراحه الي يحصل من بعض صغارالمستثمرين وناقصى العقل والدين ومن ليس لديهم ذمه وضميرانا اقوم ببناء فله سكنيه خاصه لي وشاهت مجمعات تنشاء بكل الاحياء القريبه مني في حي قرطبه تتصور انه وصل الغش بهم بان ينشاء الفلل في غضون اربعه الاخمسه اشهر والله يااخوان ان العضم يقوم ببناه عماله الشوارع وكل عامل ينتظر دوره غير مبالين بمواصفات والبناء تتصورن اني وجت حارس الفلل قدخرج منهم وسئلته ليش تركتهم قال انهم يطلبون مني عدم رش الصبات الامره وحده حتى اني وقفت على بعض الفلل الحفار يحفر القواعد فوق سطح الارض والقواعد باقل الحديد يختصر المقاول وصاحب الفلل الحديد تتصورون ان الحدد ينتظر الحفار وعمال الصبه ينتضرون الحداد وهاكذا ناهيك عن القواعد مركبه على بلك وبدون عوازل وخزانات المياه عزل اي كلام ان وجد اصلا" انا بديت ابني انا وصاحب فلل جنبي تتصورن انا بالميده وهم منتهين من العضم
انصح الاخوه لمن يريد شراء بيت جاهز اني يسئل جيران الفله الي يود شرائها لانهم هم من يعرف جودة بناء الفله تتصورن ان بعض مكاتب العقار من لديهم ذمه ويخاف الله يرفض تسويق مثل هذي الفلل .
تجربه:
جاري اشتراء فله لوحدها وتوقع انها غير تجاريه وطاح بالفخ ويحدثني انه اشترها قبل 6 اشهر والان مشاكل في الصرف والكهرباء وتشققات بالجدران وهضوم بالقواعد .
والله اني ماكتبت هذا المقال الامن خوف اخواني المسلمين ان يقعو بالفخ الذي وضعه لهم اصاحاب الذمم الرديئه لايهمك تشطيب الفلل من الخارج يقول المثل من برى الله الله ومن جوى يعلم الله.
|