[ذوووق]

ياعين ابوي انتي فديتك من الـ آه
لا تسقط دموعك وانا حي موجود

دمعك جرح خدك ولايمكن انساه
من زعلك قولي ابرسله للعود

لاينشغل بالك ولو كان بحماه
ابليس وقع عقد نتجاوز حدود

موته دنى لايجلس يحسب خطاه
خلاص ابهدي جسمه اليوم للدود

خوفك غمر قلبك وبرجعله دفآه
هاتي يدينك يابعد دنية سعود

محلا عيونك والخصر جد محلاه
محلا جبينك عاكسن نوره بزود

محلا شعرك اللي كما ليل غطاه
ناعم سحرني كيف لاهبه النود

علام صوتك مات ياشين فرقاه
ابحث عليه وكنه انسان مفقود

خلاص كفي حزنك بجد ما اباه
من هذي اللحظه ابنهيه لايعود

خليني أكمل مابقى خوذي وصاه
لامت قولي للبشر حانت صدود

والحين انا مامت والود بشفاه
لاهي حرام ولابه أيات منقود

واللي حسدني سود الله دنياه
ليه يحرمني لذه الطيب والجود

مايدري انك ساكنه قلب مارضاه
يبقى كذا من غير مايكتب ردود

ولايدري اني ساهر الليل منجاه
اسج مع فكرك وخلق الله رقود

عند النهايه شي واضح ومعناه
لاتسقط دموعك وانا حي موجود