[الشايب المملوح]

ارتفع الدو او نزل ارتفع النفط او نزل

سوقنا مافيه سيوله ولها 6شهور وهي تخرج

نحتاج سيوله دبل السيوله الحاليه مرتين او3مرات

عشان نقول فيه سوق وفيه تحرك غير ذلك السوق مضاربه هلل

يرتفع اليوم ينزل بكره يرتفع بخمس شركات وينزل ب100شركه

مادام السوق يتداول بسيوله اقل من 5مليار لاتقولون سوق

الا لبعض الشركات المعدوده غيرها تسجل قيعان مع كل هبوط

يوم فيه سيوله جارفه وفيه مشترين مانعرف لا دو ولانفط

نعرف العرض والطلب ويوم تبخرت السيوله بالانهيارات

وشحت في يدين الناس نتيجة الغلاء في كل شى والديون والقروض

واصبح الهم الاكبر للناس تامين معيشتهم اليوميه لاطفالهم

ونسو الاسهم وكوارثها ومن عنده مال ذهب يستثمره في مجالات

اخرى عقار او ذهب او تجاره والان من النادر تحصل احد يتكلم

في الاسهم حتى ان من يتكلم فيها يقولون انت مجنون تضيع حلال

عيالك في الاسهم الوهم

شركات سوقنا معظمهم لايسوى قيمة اكتتابه لانها اما خسرانه

او حبر علي ورق والشركات للتى عليها العين متضخم سعرها

ومكررات ارباحها وليس امنه كذلك من تقربات الاوضاع الدوليه

من يريد يتعامل مع السوق يكون محترف مضاربه لحظيه او يوميه

او اسبوعيه ومع الموجات الصاعده

ولو تعمل لك استفتاء وتقول للناس هل تثقون في السوق وتامون

علي اموالكم فيه تستطيع تعرف توجههم اعرف لي ناس تملك

ملايين بل بعضهم يملك مليارات بس يقولون سوقنا سوق عصابات

ومافيا وغير امن ونشوف لنا مجالات اخرى

والمثل يقول طيب السوق ولاطيب البضاعه

اذا طاب السوق ودخلت السيوله شالت كل ماامامها من زين ومن شين

واذا شحت السيوله كسد السوق وقل الطلب وكثر العرض وهذا ليس

في سوق الاسهم فقط بل في كل اسواق المال من حلقة الغنم الي سوق

الخضار والفواكه الي سوق النفط والاسهم