وعيني علينا علينا نحنا غلبنا هواكم ,,,,اهداء لك يادانه
دامك أنت عارف البير وغطاه
ليش تزعل ليه تسأل وش جرى
خل مجروح المحبة في عناه
فرق واضح بين من باع وشرى
الحظيظ اللي نسى همومه وراه
نامت عيونه وهمه ما طرى
كل جرح يطيب لي حصل دواه
توي أدري ليه جرحي ما برى
الزمن والا أنت ظالم في هواه
أيكم بالحيل يا زين افترى
من نلوم اليوم من نمشي معاه
الزمن والا أنت يا طيف سرى
اتعزز وأخفي الجرح وبلاه
صار هاللي صار واللايم درى
من قرا عمري نثر دمعه وتاه
مستحيل أنه يكمل ما قرا
كان منك الحب هذا منتهاه
ابتعد بعد الثريا للثرى
من صباحه كاتم ويشبه مساه
لا تلومه لو جفا حلو الكرى
|