[علي المزيني]

الزين بين في نسوبه ياعلي
ولا القمر غير النجوم اللي معه


والخيل اعرف اصيلها من تقبلي
واعرف عفري الضباء من مدمعه


والبيض شاسع فرقهن لاتسألي
الزين يوهب الكريم ويمنعه


الزين حلو(ن) دايم دله حلي
ألذ من طش السحاب المنقعه


والشين شين الله يعين المبتلي
إن قابلك تفرح متى الله يقلعه (هو صادز الله يعين اللي متوهق)


وجدي على نجل الأعيون الأكحلي
النفس به مجبورت(ن) ومولعه


راعي ثمان(ن) مرهفات(ن) ذبلي
بيض(ن) تلالا حدر فرقت برقعه


غض(ن) من الجنس اللطيف مكملي
الله وكبر ياجماله مروعه


زينه بلامكياج وبليا حلي
زين(ن) طبيعي(ن) ولا يصتصنعه


احلى من العفري تهايا واجملي
النور بطخمته وسلبت مفرعه


وان هج مع صيد الخلا مايجفلي
ماهوب بعيد ان الجوازي تتبعه


والله ماعنك خفيه ياعلي
من يوم كلمته وانا قلبي معه