تنتشي عيني فرح بك وانت عن حالي مَاتدري
حتى انا مدري ولكن! أشعر لطلتك هيبة
فزتي لك طيش؟ مدري حب؟ مدري حس فطري؟
الوكاد انك نهبت القلب من صدري نهيبة!
يعني وش اكثر من اني لا لمحتك فز عمري؟
وصار يوم اللي اشوفك عيد عندي واحتفي به!
يوم اشوفك,, احفظ التاريخ ميلادي وهجري
وارسم لعين المحبة قلب به سهمٍ يصيبه
و أتهجى كلمة ( ا ح ب ك ) واغنيها بشعري
واكتبك بين القوافي واتسمّى لك حبيبي
من كثر ما اسعى لوصلك , اذكر انه كان نذري
لو يجي والله لاجي له لين اصير اقرب قريبة
|