مشاعري في طريق الشعـر تدفعنـي
أسوقهـا عقـد للغالـيـن وأهديـهـا
للي زعـل والزعـل منـه يروعنـي
عهدٍ علي أزعـل العالـم وأراضيهـا
لو تزعل الناس كل الناس وش يعني !
بس أنت تزعل مُحـال إنـي أمشيهـا
لك صـورةٍ ويـن ماوجهـت تتبعنـي
دايـم بعينـي وأنـا بالقلـب أخبيهـا
أضمها في ضلوعي وأنـت تردعنـي
عن ضمهـا ليـه دام إنـي أداريهـا
ماحب غيرك وحبـك وحـدك أقنعنـي
جـدد حياتـي بحاضرهـا وماضيهـا
قلبـي علـى بعدكـم عيـا يطاوعنـي
وعيني علـى غفلتـي لازم تراعيهـا
إن جيت أوصفك وصفك حيل ضيعنـي
شمس الشموس أنظره والا أحترق فيها
جمالـك إللـي يبعثرنـي ويجمعـنـي
يبيـع بالـروح يالغالـي ويشريـهـا
ياصاحبي ليه عن وصلـك ترجعنـي !
ونفسي علامك بقل الوصل تشقيهـا !
من شوفتك ليه تقطعنـي وتمنعنـي !
وأنا أرتجي شوفتك والنفـس أمنيهـا
إن كنت من فـوق يالغالـي تطالعنـي
أنـا بنت نـاس ماتجهـل بأساميهـا
نفسي عزيزه وصعب النفس تخدعنـي
أقنٌـع النفـس وأجرحهـا وأداويهـا
وأنـت وضميـرك ولا ودي تقاطعنـي
أحكم وربـي علـى الخيـره يمشيهـا
كتبت ياغلا البشر إن كـان تسمعنـي
أبيـات شـعـرٍ تنقٌيـنـا معانيـهـا
مما أعجبني
|