[نجدية]

المشاركة الأصلية كتبت بواسطة فارسة الكلمه

عن جد والله موفاهمه شي ؟؟ بس السمسم ينفع معه سكر هههههههههههههههه
حلوه
فهموني عاد تكفون

اسمعي ياروحي
لما نزل المعرس من السطوح وهو كله قرصات نمل حمر مع انه كويحه مايبين فيه القرص ولا الشوي
بس عن قولتن ماقرصوه
عاد اقولتس لما نزل قالي نجدية

عمرتس سألتي نفستس . . ليه لاطاحت حلاوة على الأرض كلها فترة بسيطة وتشوفين طابورمن النمل متجمع عليها.. وش دراهم عنها طيب ؟


انا اقولتس يالخبله <<< عادي عريسي ويمون
السبب إن في مستعمرة النمل نوع من النمل إسمها النملة المستكشفة وفي رواية الملقوفه وشغلتها تدور الحلا والدبق وتعلم باقي النمل عنه . والنملة المستكشفة هذي طول اليوم تلفلف وتدور من مكان لمكان تدوّر لها حلا وفي رواي ايضااة كأنها جارتنا أم دحيم .


عاد من اعرسنا البارح وهو كل ليله يقولي سالفه
وسالفتنا اليوم عن النمل يقول
مرة كان فيه نملة مستشكفة تمشي ووراها طابور طويييـــل من النمل توديهم لكومة سكر لاقيتها.. والنمل رايحين جاين يشيلون من هالسكر لجحرهم. يوم وصلت أخر حبة سكر عقب يومين .. تسللت النملة برى الجحر وتوايق عليهم من ورا حصاة وحاطه يدها على فمها وفاطسة من الضحك .....طلع إللي يشيلونه كل هالفترة ملح ناعم وجالسة تستهبل عليهم




وفجأة طلع لها حية سودا وقطو أسود ويمسكون النملة المستهبلة مع علباها ويخسفون بها داخل الأرض لمملكة الجن. مكان كأنه مغارة على شكل جماجم وملك الجن جالس على كرسي له قرون وبيده صولجان من عظام. وتحول القطو والداب الأسود لحراس ملك الجان واحـد بـخـيـتـــيـس والثـاني عــنــبـــريـس, ويقولون لمك الجن: نبشرك ياطويل العمر أخيرا لقينا ولدك.. مابقى مملكة مادورنا فيها أخر شي لقيناه في مملكة النمل متلبس بنملة وجالس يتستهبل عليهم كاب علبه ملح ناعم ويقولهم سكر.


تهقون يقصد شئ من ورى هالسالفه يعني يقصدني بيخسف بي يالله الخيره المعرس اسود عسى مهوب جني سكنهم مساكنهم ياالله