[بنت_الجزيرة]

للشاعر محمد العجمي <<< والله ريح باله



ازدحام بصالة الاسهم على شان التداول
و الجموع مجمّعه و الناس في حط ٍ و شلّي


في توتر مثل لاعب مستعد يشوت فاول
و ايتمنى قبل يلعب ليت ذا الحارس يجلّي


اما انا يا زين حالي.. بعت الاسهم للعواذل
لاني اصلا فالحقيقه مكتتب في قلب خلّي


وجّه اسهم صوب قلبي من عيونه يوم خايل
و اشهد ان السهم هذا معمي ٍ قلبي و كلي


قلت له يا حي هالطول يا حي الجدايل
قال شكرا قال مرسي مرحبا باللي يهلّي


قلت له طالبك طلبه لا تعذبني و حاول
قول احبك بس مره و خل هالدنيا تولي


لا تفكر ثم تسكت // لا تعاند // لا تجامل
لا تسوي لي عبيط و فوق هذا ما تقلّي


داري انك // داري اني // داري انك // منت قايل
بس ابنطر وش وراي و هذا انا جالس محلّي


وش ورا رجال جالس عند محبوبه يغازل
ما وراه الا المآسي و الهموم اللي تعلّي


جيت لك تارك همومي تارك ٍ حتى التداول
ما بغيت الا الغرام اللي يهلي ما يولي


ما ابي سهم ( المكيرش ) و ( المصافي ) ولاّ ( زامل)
يكفي اني في شعوري مكتتب في قلب خلي


وشرايكم فيه