لعــــيون مـــــــــــزنه
لعيون مزنه طاب بـدع الطواريـق
الشعر طاب وطاب نظمـه ووزنـه
الشمس تحرق والضمى ييبس الريق
وانـا وقلبـي غاثنـا وبـل مزنـه
مزنـه تراهـا ساكنـه بالمعالـيـق
حبّـي لهـا زايـد ويـزداد وزنـه
أحبّهـا بنـت الرجـال المطالـيـق
مزنـه ولابـه مثلهـا بنـت رزنـه
يامزنه انتي عندي اغلـى المخاليـق
أنتـي لـك بقلبـي مكانـه ووزنـه
مبروك عيدك جعل عمـرك توافيـق
ابيات شعري في وصوفـك عجزنـه
زين(ن) ماهو زينك يامزنه تلافيـق
انتي ما خلّيتـي لغيـرك ولا ازنـه
انهز قلبى منك وهـوه كمـا طويـق
مع ان غيـرك حاولـن ماهززنـه
غيرك من الزينات جمـع وتفاريـق
كم قلب في سجن الغـرام احتجزنـه
لكن انا كنت ابتعد قـد مـا اطيـق
ومالد انا فـي زينهـن لـو برزنـه
مامال قلبـي للغصـون المواريـق
لوكـل درب لميـل قلبـي نهزنـه
وانتي وردتي عد قلب (ن) ماقد ذيق
اجتزتـي اللـي كلهـن مااستجزنـه
خزنات حب القلـب قبلـك مغاليـق
وانتي فتح لك خافقـي كـل خزنـه
وقلبي لقى شهدك على فكّـة الريـق
حتى لو جـروح المفـارق لكزنـه
وصرتي يامزنه عندي اغلى المخاليق
واصبح لك بقلبـي مكانـه ووزنـه
شوفتك تبعد عنّـي الهـم والضيـق
ومن غيرها يبعد عن القلـب حزنـه
ودّي اغييب ولا اصحـى ولا افيـق
ألاّ وانـا قـدّام وجهـك يامـزنـه
ياللي على شانك بدعـت الطواريـق
لعيونـك ابيـات القوافـي جهزنـه
مع تحيات الشاعر نجدي
|