أخواني أخواتي اصدقاني اصدقاتي الالكترونيين
صبحكم الله بالخير
من الآخر وبدون اللف والدوران اللي منيب أحبه وخلاصة الموضوع وزبدة اللبن اقولكم
معاكم أخوكم نجدي <<< لو سمحتوو لاحد يقاطعني او يقول تسذوب
ايه أخوكم نجدي رجل في الاربعين من عمره خربت سيارته في البر ومات عطش <<<< فاااصل
أخوكم نجدي رجل في الأربعين من عمره قدر الله عليه ودخل محرقة الدراهم قصدي سوق الأسهم عام 2005 وحاولت اشترك مع هالناس الطيبه في هالصرح الرائع وندردش ونتشاور في خسايرنا
مالكم بالطويله المهم ماقدرت اشترك فقالت زوجتي الله يذكرها بالخير انا عندي معرف لاكنه باسم نجدية قلت ماعليتس هاتيه وانا ابقولهم السالفه واطلب تغييره
رجااااااااء تراني صااااااادز <<<< محدن قال شئ ياالأخ
دخلت بمعرف المدام مير واحس بذيك النعومه اللي مدري تسيف هي صارت يديني تزالق وشعري حرير وعيوني مكحله
وشفايفي ورديه وقلت الله آآآبو اللي يغيره يكفيني هالشعور والوناسه عقب ذيك الجلافه
دخلت المتابعه سلمت ماااش مزلبيني اسولف مايمي أحد قلت بس ابغير اسمي اشوفهم مايعطون
وجه للحريم المهم في نفس اليوم اللي نويت اغير اسمي واكتب نجدي صارت هوشه بيني وبين المدام
كنت ناوي اعرس ع بنت جيرانا وعرفت زوجتي وزعلت وقالت طلقني مع الحمق طلقتها ولو اني تحسفت بعدين المهم بنت جيرانا اللي خاطبها انا توفت في حادث مما زاد حسوفتي بأم العيال لاكنها من العناد براسهاا تزوجت ابو جيراننا اللي ماتت بنته
عاد اقولكم احتفظت بهالمعرف النسائي اتذكر به طليقتي واحتري يموت ابو جيرانا اللي تزوجها وارجع لها وأن مامات دعسته اية يوم وانحشت
فبعد هالسالفه اقولكم انا لا أأأأأكذذب ولكني اتذكر <<< على وزن لاأكذب ولكن اتجمل
فدعوني مع معرف حبيبتي أم عيالي ولكم جزيل الشكر
صوره للمحذوفات
صورة لصاحب الموضوع
صوره للمزيني لانه بيجي يمشي طبلونه يقول تسذب
صوره لكل فرد وفرده شخص وشخصه اقولهم هذا آآآآخر ماعندي
وأي سؤال انا جاهز
وسامحوني ع الاطاله
|