[الــــذيــب]

طفولتنا غير طفولتكم


من وصل عمره 40 راح يعرف وش اقصد.


ودائما الانسان يحن لطفولته لانه كان غير مسئول عن شئ.....لعب واكل ونوم.


من ذكريات الطفوله :


الالعاب : ماعندنا الا الدنانه والنبيطه ولعبة طاش ماطاش.

التلفزيون : ابيض واسود وابرز شئ " دايلكسي" واللي عمره وصل 40 اكيد يبي يعرفه.

الاعياد : فرق كبير عن اعياد ال 20 سنه اللي راحت.

من الذكريات القديمه :

كانو يمرون على البيوت حريم او رجال ومعهم بضايع ويطقون الباب ويقولون : فررقنا....يعني تبون

تشترون والا لا.

كل بيت فيه بقره....بدال حليب المراعي والصافي

كل بيت فيه نخل وشجرة عبري " سدر ".

كل ولد يفصل ثوب لازم صفطه عقب الكتف وخبنه اسفل الثوب علشان اذا طال الولد مايفصله ابوه

ثوب ثاني...يفتق اللي عقب الكتف ويطول كمه ويفتق اللي اسفل ويطول ثوبه....لاحد يقول واذا

سمن...محد يسمن وقتنا لاننا دايما ركض ونطامر الجدران ونرقى النخل ونقطع الحطب في الحوش

ونشتغل من اول اليوم ل تاليه مع اللعب وخصوصا في اجازات المدرسه.

افضل الذكريات :

نومة السطح وبخة الفراش ب مويه علشان يبرد :)