السلام عليكم
اخي الكريم انا بحاول اوضح لك على حسب الي فهمته وبصراحه اعتقد ان اداره الشركه اثبتت جدارتها بأستغلال اصولها من اجل تمويل المشاريع وبنفس الوقت ما تخسر هالأصول
عموما ابوضح لك بمثال :
لنفترض ان الشركه اشترت الارض ب 40 مليون ريال وباعتها ب 190 مليون
بهذي الحاله ينتج عندنا ربح 150 مليون
لكن الشركه رجعت واستأجرت نفس الأرض من نفس المشتري بطريقه الايجار المنتهي بالتمليك لنفترض انها على مدى 10 سنوات مده الايجار وان القيمه كانت 260 مليون
بهذي الحاله الشركه حصلت على كاش 190 مليون لكن راح تدفع 260 مليون على مدى 10 سنوات علشان تحصل على الارض مره اخرى
هذا يعني ان الشركه راح تدفع 70 مليون زياده لو خصمناها من الربح السابق الي هو 150 مليون ينتج 80 مليون ريال ربح هذا الربح يوزع على 10 سنوات يعني كل سنه تستحق 8 مليون وكل ربع يستحق مليونين
==========================================
طبعا الشركه ما وضحت كم مده الايجار وكم الربح الناتج لكل سنه وهذا خطأ من الشركه لكن اعتقد انه طريقه ذكيه لكن لا اعلم عن مدى شرعيتها
اخيرا اتمنى انه اذا ما وضحت لك نقطه تسألني
بالتوفيق
|