السلام عليكم ورحمة الله وبركاته
قبل خمس سنوات تقريبا عام 2004 طلعت تمويل من البنك العربي بقيمة 232000 ريال والتسديد على مدى 12 سنة كل شهر تقريبا 2550 ريال
ونهاية عام 2008 قلت أبغى أسدد القرض وأفتك منه
رحت للبنك وحسب وقسم وطرح وقال لي تعطينا كاش 194000 ريال
قلت للموظف يعني جالس أربع سنوات ونصف ما حسبتوا لي فيها إلا 38000 ريال بس وأنا معطيكم قرابة 107100ريال
قال هذا السيستم
وفي نفس الوقت ولد خالي قبل أربعة أشهر تقريبا يبغى يسدد كاش في فرع ثاني قالوا له تدفع 154000 ومطلعين في نفس الشهر القرض لكن الفرق أنه أخذ 220000 والتسديد 2800
وما أشوف ذاك الفرق بين القرضين وطريقة التسديد ولكن الفرق كبير بين كلام موظف الفرع حقي والفرع حقه
فهل كلام الموظف معقول ؟
والا النظام فيه مشكلة ؟
والا البنك ماقصر فيني ؟
هل اختلف نظام تسديد الكاش بحيث نزلت الفائدة أكثر مع الأزمة العالمية ؟؟
أرجو الاهتمام بموضوعي ولكم جزيل الشكر