[الأعراف]

المشاركة الأصلية كتبت بواسطة دافور.نت

نجلاء الرياض ومسدح الاسهم

كفاية كلام من فوق البروج العاجية ، ياليت تخالطون الناس وتنزلون من شووي من فوق المخمليات اللي تعيشوونة ، انا ما اعرفكم لكن ابصم لكم انكم بعيد عن الواقع ..

اقولكم قصة بسيطة صارت معي شخصياً

كنت في مجلس لدى احد الفضلاء شرواكم

وهو مسئول في احد الجمعيات الخيرية في مدينتي ، مدينتنا قرية كبرت واصبحت مدينة واعني بقرية ان كل الناس يعرفوون بعضهم ووضعنا بشكل عام جيد ، فجلس يورينا الكتيبات اللي يطبعونها وعن التصنيف اللي هم حاطينة للأسر الفقيرة هذي اسرة دخلها السنوي 10الف تستحق اعانة 5الألف وهذي اسرة دخلها السنووي 20 تستحق اعانة 2الألف ...وهكذا

تصوروا ياجماعة الخير ان فية اسر دخلها السنوي 3الألف

يمين بالله ماصدقت وقلت لة هذا تصنيف غير دقيق ، قال لا والله يا احمد فية اسر مايملكون تلفزيوون حتى لبيتهم واعتمادهم الكلي على الشئون والجمعيات الخيرية واهل الخير ، قلت انت من جدك كل سكان المدينة نعرفهم ، واصريت علية الا اشووفهم وفعلاً والله ياجماعة طلعنا لهم وكانت حالتهم يرثى لها ، والمصيبة فعلاً نعرفهم ونعرف جماعتهم وماكان بيت ولا اثنين بس ..

وعندهم ابناء عاطلين عن العمل وفيهم موظفين برواتب بسيطة جداً لاتكاد تفي بمصروفاتهم الحياتية ..

السؤال اللي يطرح نفسة

هذول المتعففين يسكنون مدينة اهلها يعرفون بعضهم البعض لذلك استطاعت الجمعية الخيرية تحديدهم ، لكن من يسكن في مدن كبيرة ما احد يعرف فيها الثاني كيف بيكون وضعهم ، والى متى سيكونوا بعيدين عن اهل الخير ..؟


يا اخوان والله العظيم الموضوع مو فرد عضلات ونقد بدون قيمة حقيقة ، انا اعلم يقيناً ان كلامي لايقدم ولا يؤخر لكن من باب الأمانة ان نكون امينين مع انفسنا على الأقل ..

الفساد موجود وليست حالات شاذة ، والفقر متفشي بشدددة ، والوضع صعب ، والزوجة الأجنبية خيار وملاذ حقيقي ، والزوجة السعودية اذا ماتعاونت بيكون مصيرة مصير خلوها تصدي

وهذا كلة من فتن الزمان وبلاوية ..أسأل الله 100مليون ريال والسعادة في الدنيا مع 4 زوجات 2محلي و2 خارجي والجنة في الأخرة لي ولكم

واستغفر الله لي ولكم من كل ذنب فستغفروة انة هو السميع العليم

صحيح 100% وانا عايشت هذا الواقع ,,,