تبغي تعرف منوه انا وليش جيتك
انا الوله يلي من الشـــوق ولهان
انا الغلا بعت الملا واشتـــريتـــك
انا الكفيف الي عن الناس عميان
انا الظما وانت النـــهر يوم ريتــك
ارويت بك جاش من الوقت ظميان
****
ماعاد تعنــي شي كلمة فديتك
دام الغــــلا رجــح معاير الاوزان
اهديتـــني قلبك وقلبي هديتك
من قبل ما اهديك ماغيرك انسان
مابيــن لجــات المعاليق بيتــك
عليت لك صرح وشيدت بنــيان
****
زرعت لك في القلب حب وعطيتك
وانت على قلبي مليك وسلطان
لعيون ريضــانك ومـــــــفلان ييــتك
والغيث من أجلك وهطال الامزان
وش فيك ماتــطالبني بكلمة فديتك
وانت بقلبـي ماتـــعادلك خــــلان
|