[نجدية]

ياشاطرين طلعوا كتب ودفاتر النحو عندنا اليوم درس جديد ومهم عن

أدوات الإستفهام ومواضع استخدامها مع الشرح بالأمثلة




ليـــه

ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة
صلة الرحم ويتذكرون جداتهم وعماتهم وخالاتهم اللي ماشافوهم ولا
يدرون عنهم من أيام مسلسل (أصابع الزمن) وماهو كذا وبس لا وعمات وخالات أمهم
وأبوهم بعد ويدورونهم ويسلمون عليهم وكل وحدة يحبون راسها عشر
مرات ويطلع السنع ويسألونها عن صحتها وأحوالها وعيالها وولدها فلان القاطع
اللي لا يمر ولا يسلم ومافيه مانع من استرجاع ذكريات طفولتهم الشقية
معها ولو عندهم عمة وإلا خالة من الرضاعة بيدورونها بعد ماراح يقصرون


كيـــف

كيف ممكن أفكر أتزوج إذا كان للحين خبر الزواج ينكتب بهالصيغة العبقرية
احتفل فلان الفلاني بعقد قرانه على كريمة إحدى الأسر ) لاعاد !! بالله عقد)
قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة إحدى
الأسر عشان يعقد قرانه عليها!! جد والله ؟؟إنت متأكد ؟؟ يعني فعلا ودي أسال
اللي يكتب مثل هالخبر في الجرايد وأقوله هل فيه من وجهة نظرك خيار ثاني
غير إنها تكون كريمة إحدى الأسر؟يعني بيعقد قرانه على كريمة إحدى
سلالات الزواحف مثلا؟ وإلا يمكن بيعقد قرانه على كريمة سيد قشطة



متـــى


متى تنتهي ظاهرة زاوية هواة التعارف في المجلات ؟ والحقيقة إن المشكلة
ماهي في رغبتهم في التعارف بحد ذاتها لكن المشكلة الحقيقية إنهم
عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة وإلا الابتسامات الساحرة وإلا النظرات
:الغامضة في الصوروالقذيله واللفتات الجانبيه يخسى توم كروز عندهم
اقول يازين عرعر بس <<< مهوب الرجال اقصد الديره


ميـــن


مين ؟؟ سؤال برئ نوجهه لأي أحد يدق جرس البيت لكن عاد الإجابة الأزلية واللي
تصدم براءة سؤالنا في كل مرة هي (افتح) !! لاحظوا الرابط والعلاقة بين
السؤال والجواب (مين؟ -----> افتح!) والحقيقة أنا فكرت كثير وما لقيت إلا تفسير
واحد من إثنين يا إما كلمة مين معناها وش تبي ؟ أو وش المطلوب ؟ وأنا فاهمتها
غلط السنين هذي كلها أو إني فاهمتها صح لكن اللي يدق الجرس دايم يكون
!! (اسمه (افتح


هـــل

هل ممكن يجي يوم من الأيام المستحيلة ويتحقق فيه فلم الخيال
العلمي وتقدر البنت تمشي في الشارع في الرياض بدون ماتسمع كلام من نوع
ياحلوة يادلوعة أول مرة أشوف قمر على الأرض ) وغيرها من الكلام اللي )
يصنف ضمن فئة الغزل المنتهي الصلاحية هل ممكن يجي اليوم الي تمشي فيه
البنت في الشارع بدون مايناظرونها كأنهم شايفين مخلوق فضائي
مجهول حط على كوكب الأرض في ظروف غامضة !! 00



ويـــن

وين ممكن نلاقي عائله مافيها واحد يصحي الثاني من النوم
ولين قام قال انت نايم بس تسذااا لعانه يبي يتأكد هو نايم والا لاء
او يلقى باب الحمام
مقفول واللمبه مولعه يطفي اللمبه ويطق الباب يقول فيه احد بالحمام ... بتطول ,,
لا بيلف يسار وش عليك منه حتى بيت الراحه مايرتاح ياوالله الشقى

أكيد هذا آخر الدنيا والله إنها
صارت تخوف يالله إن تخرجنا منها مسلمين

خلص درسنا اليوم ياشاطرين

--------------------------------------------------------------------------------
والواجب إنكم تلاقون إجابات للأسئلة او تزيدون الامثله أو تحطون اسئله زياده بسلامتكم اللي تشوفونه المهم تحلون الواجب


عمل الطالبه .. ابلا نجدية >>وشلون