[سهم طافي]

المشاركة الأصلية كتبت بواسطة توك توك

يعني عندك علم انها بتتأخر وضح بارك الله فيك تراني متعلق ب 62

وش اللي طيح سعر السهم 70% .. على فكرة هي اردى نزول في السوق الان منذ رمضان

الشركة لمحت كم مرة انها بتعلق المشروع لو استمرت اسعار البترول بهالمحاري لإنها غير مجدية اقتصاديا

اصلا بترو رابغ مشروع قديم من التسعينات فكرته ولم يبت فيه الا يوم تعدت اسعار البترول الـ 60 :)

بالإضافة لإنخفاض الطلب على منتجاتها يمكن يخلي تكلفة الانتاج اعلى او تساوي من الربح المتوقع تحقيقه بالإضافة بأنهم بنوا منشآتهم في عز الغلاء يوم الحديد بـ 6000 :)

والحين يواجهون تحدي الاقراض .. محد يبي يقرضهم مثلهم مثل كل الشركات تبي سيوله ولاتلقى بنك يعطيه وجه

الزبدة .. الكلام اللي فوق ماهو جديد الشركة تجاوبت معه ونزلت من 70 لـ 15

ومع اي انفراج للإزمه تبي تشوف بترو رابغ هو اكثر الاسهم الملعلعه فوق لإنه كان اكثر المتضررين

عموما حسب كلام رئيس الشركة اليابانية الشريكة يقول انه في اسعار 50 للبترول متوقع نحقق ربحيه 5 ريالات للسهم في حال بيع كل المخزون

وتراني املك في السهم