[الرقص مع الذئاب]

رضينا بالهم والهم مارضى بينا على راي اخواننا المصريين ملكنا امر بمكرمه اطال الله بعمره بزيادة رواتبنا فرحنا فرحة لم تدم طويلا لانه هناك من رفع الاسعار حتى توازى ارتفاع الرواتب حذرت الحكومه من الارتفاع لكن من وجه لهم الامر بمتابعة موضوع الاسعار كبرو وسادتهم كالعاده دوام الساعه 10 والدخول على الملك اسهل من الدخول عليهم انثبرنا وسكتنا ورضينا بالهم بعدها ارتفعت اسعار البترول ومعها زاد (سعار ) الحراميه في رفع الاسعار والمضحك ياناس ان الاتراك -البنقاليه - الافغان وغيرهم من اللى ياكلون وينهبون ويمسحون بالطوفه رفعوا اسعارهم على كيفهم رز البخاري من 21 الى 26 ريال الحلاق من 5 الى 10 واسعار الماكولات في المطاعم الشعبيه وغيرها كلن رفع بكيفه البترول ونزل سعره طيب ياناس الاسعار مفروض تنزل ليتكم تسمعون ردودهم والله ان الباكستاني اللى يحلق الذقن بخمسه اقوله ليش رافع بعشره مابغيت الا روحي الافغاني اقوله ليش ب26 ريال من عطاك الاذن قال لى تبي والا شوف مطعم ثاني الحين ليش تكلمنى انا كلم اللى رفع الايجار على محلى ياجماعه حتى اللى رفع الايجار منين رفعه الدبل والله فوضى وين المسؤليين وينهم كلن قام يلعب على كيفه وين القانون وين النظام وين وزير التجارة وين حماية المستهلك بسالكم شفتم حماية المستهلك شهرت بمحل بالجريده او حتى مطهم لانه رفع سعره ويطبق عليه تحذير خادم الحرمين من رفع الاسعار مطلوب وقفه حازمه مع تهاون المسؤؤلين قبل تهاون التجار ياناس والله اللى ذابحنى مجلس الشورى شقاعد يسوى في الكويت وزراء قدمو استقالاتهم لما استدعاهم البرلمان واحنا موجهين ستين سؤال لوزير عندنا وكانها مسابقة من سيربح المليون ناقص يعطونه خيارات او يخلونه يتصل بصديق لازم وقفه حازمه منهؤلاء اللى جالسين خلف الكراسي الكبيره وكان الامر مايعنيهم لان رواتبهم الشهريه تكفيهم سنوات لابد من تطبيق تحذير ملكنا تجاه مثل هالاجناسوفورا لانه كلن قاعد ياكلنا من جهه هوامير الاسهم من جهه وتجار الاغزيه من جهه والمطاعم من جهه وحتى االعماله اللى فاتحه محلات حلاقه وغيرها من مكيفات وتصليح من جهه