[نجدية]

ياشينها لا صرت معجب و ( خجـلان )
............... خوف المصـارح لا يجيـب المطمّـهـ

اخاف اصارح بالغلا ( ذاك الإنسـان)
............... و ينقلـب ( جـوو المصـارح مذمّـهـ )

ويا شينها لا صرت مغرم و ( زعلان )
............... محد ٍ يراضـي قلبـك و ( محـد يمّـهـ)

وان رحت محد ٍ قال لك: (وين يافلان)؟
............... روحتك مع جيّتك .. ماهـي مهمّـهـ

ويا شينها لا صـرت عايـش بحرمـان
............... مثـل اليتيـم اللـي فقـد شوفـة أمّـهـ

ماخوذ حقّه وانظلـم شـوف الأعيـان
............... واللي اظلموه (عيـال لحمـه و دمّـهـ )

( ويا زينها ) لا صرت لاهـي و طربـان
............... وحبـل القصايـد يرتجيـك و تلـمّـهـ

يا ليل دانه .. ليل دانـه .. لا لا .. دان
............... ما فيه ثـوب ٍ يستـر أطـراف كمّـهـ

يا زينها لا صرت معجـب و خجلان
............... تنثـر علومـك لـو تجيـب المطـمّـهـ