هذي الرائعة أعجبت بها فنقلتها لكم وهي من نظم شاعر كبير من أهل حائل يدعى عبدالله باتل الرشيدي ، ويلقبونه بــ ((البحر الميت )) يبدو أنه غير معروف إعلاميا
لكن وجدت له أنتشار واسع بين متذوفي الشعر بين أبناء تلك المنطقه :
القلب ضايق والحنا يا معاليل
وضاقت بوجه الي على قد حاله
وفز الخيال وعانق الياس والويل
هبت هبوب وكل طاري طراله
وجاب السياسه ...قلت هذي بهاذيل
وجاب الغزل ...وقلت مالي وماله
وغنى على ليلاه . ياعين . ياليل
وكلٍ على ماقيل يتبع خياله
((قد قالها رجلٍ حروفه تماثيل
مازل حرفه لاضربلك مثاله))
كلش يهون الا الثلاث الغرابيل
المهزله .... والمسكنه ... والرذاله
المسأله امحلله دون تحليل
الليل لو يظلم يبيًن هلاله
والليله الي ظلمها بيّد الحيل
وصًل شقاها لين حد الثماله
الظلم كافر والخطا نرفز الخيل
والذنب ذنب وكل بدعه ظلاله
لاوالله الا يازماني تهاويل
الذنب ذنبي يوم قلبي صفاله
كنت احسبنه باالمواقيف حلحيل
واثره سفيهٍ مايعرف الجماله
شربت من كاس المراره فناجيل
واليوم أشوف الظيم فاحت ادلاله
وسليًت حرفي والمعأني مساليل
سيفٍ ورثته من سلالة سلاله
ادخل على الله ماأسب المشاكيل
أرفع شموخ الحرف وأستر خماله
ماابغى حروفي تحت رحمة مهابيل
يشوم حرفي لاوصلت العداله
اخص ربعٍ تنقل القال والقيل
اهل النميمه والحسد والنذاله
صحيح باقي باالمواقف رجاجيل
وصحيح تلقى .. باألأوادم حثاله
|