ماصارت سامبا تداول
السلام عليكم ورحمة الله وبركاته
والله ماصارت سامبا تداول
قسم بالله تعبت منهم
داخل على الانترنت من الساعة 10 الصباح وجت الساعة 11وربع وشاشة الاوامر مافتحت معي
واذا اتصلت عليهم قالو:رح اشترك في اول نت
قسم بالله لعب عينك عينك
حسب معرفتي بالشبكات ان الاشتراك ماله ابدا اي علاقة بالموضوع
وان العلة الكبيرة في سيرفرهم البطيئ
ولازم يشوفون لهم حل ويجيبون سيرفر زي الناس ويشيلون قواعد الاكسس ويحطون قواعد الاوراكل الي تشيل بيانات ضخمة
تكفون ياشباب خل نتساعد ونكلمهم
واذا قالو لكم اشتركو باول نت قولو حنا مشتركين بسامبا تداول واذا انتم تفرضون علينا اول نت عطونا اياها مجانا زي ماخذيتو علينا الرسوم السنوية
اتشراكاتنا DSL شركات قوية مثل سعودي نت ويقولون رح لاول نت
واذا ناقشتهم زود قالو هذا حل مؤقت لنهاية الاسبوع
ياخي الاسهم طارت ونزلت وانا احتري شاشة الاوامر
هذا رقمهم المجاني
8001241240
وعطوني رقم مديرهم لكنه مايرد شكلها تصريفه
والله العظيم شي محزن
استنزاف عينك عينك
يضحكون علينا
قبل اسبوعين اخذين من كل واحد مشترك عندهم 500 ريال واخرتها هالخدمة الزفت
الي فعلا اثبتت فشل الخدمة وانها صارت اخت لخدمة الراجحي
حنا وش يفيدنا الرسايل الي تجي بعد تقفيل السوق
حنا نبي نتداول مع الناس مو نتفرج على الصفحة وهي ماودها تتحرك
آآآآآآآآآآآآآآآآآآآآآآآآآآآآه يالقهر
انا مقهور وانا ماخسرت وشلون لو خسرت
الله يوفق الجميع
تقبلو تحياتي....ابوسهم
|