ياصاحبـي ماكـل مايسمـع يقـال
حكّـم ضميـرك والسوالـف هيّنـه
الصدق حكمه واعتبره ابسط مثـال
ولاتثبـت الحجـه بلـيّـا بيّـنـه
لكن جاوبلـي علـى قـد السـؤال
والصعـب ماهـو بالكـلام اتليّنـه
تـراك لاهبـت ذعاذيـع الشـمـال
ضاعت علومـك والكـلام اتطيّنـه
مايرتكـي للحمـل ياغيـر الجمـال
وكـلا يـرد الديّـن للـي ديّـنـه
خلك مع اهل الطيب واشرب من زلال
لاحتجـت واحدهـم لابـد اتعيـنـه
والا الردى واهله مافيهم راس مـال
الله يبعـد عنـك هــاك العيّـنـه
وانا ليا شفت الخـوي علـي مـال
احـاول ارفــا زلـتـه وازيّـنـه
ادمح خطاه بحال ماهو بـاي حـال
فـي حـال خافـي سـر والا بيّنـه
حقه علي ولي عليه ادنى الوصـال
وان شان وقته قلـت وقتـه شيّنـه
مال التشره يابيض الشارب مجـال
وكـلا يقـول وباقـيـا بمكيّـنـه
|