[يا متعبنـــــي*]

الإبتدائي .. ههههههههه عاد والله العظيم اني اليوم الصبح قبل اروح الدوام مريت على الإبتدائية وسلمت على بعض المدرسين الموجودين الى الآن .. رحت شفت فصلي ههههههه


أيام الإبتدائي .. يوم من الأيام كان اخوي الكبير مريض بالبيت ولاراح الدوام وعلى ما اذكر كنت بسادس او خامس .. المهم انا وولد جيراننا كنا نروح المدرسة على رجلينها لأنها جنبنا .. قلت له اخوي اليوم مريض ماظن يروح شغله وحنا نشوف السيارة تبرق عند الباب .. فوسوس لي الشيطان ( اللي هو ولد جيرننا ) إني اروح آخذ المفتاح ونروح نلفلف اشوي لين تجي الساعة 7 أو 7 ونص .. المهم دقيت الجرس ودخلت على إني باخذ اقلامي ناسيها وادخل غرفة اخوي واخذ المفتاح من الطاوله واروح ( للمدرسه ) ..

المهم قعدنا قرن وسط السياره نبيها تمشي ما مشت لأنها تنتع علي ورجليني لو وصلتها ماشفت الطريق .. المهم بعد جهد جهيد مشت السياره ورفعنا صوت الراديو ودوران في الحاره وألف مرة طفت علينا ..

شوي شفنا دوريه بعيييده ماهي يمنا بس من الربكه لفيت لفه لفتت انتباه العسكري وطفت السياره وانا قد بعدت اشوي عن حارتنا ..

ههههههه جا العسكري وشافنا وشاف شناطنا معنا وسروال رياضه تحت الثوب وبوت الكورة قعد يسألنا وين بيوتكم وقعد يهاوشنا .. خويي بكى وانا يوم شفته بكى ارتبكت زياده واحاول اني انحاش ماقدرت

قعد يدور فينا بالحاره معه ويقول دلوني على بيوتكم ( طيبة منا يبي ياخذنا عالبيت ويكلم اباءنا ) المهم من زود الربكه مادلينا ولا شي .. هو مايبغى يودينا القسم خايف علينا من اباءنا لايحوسوننا وقاعد مسكين يدور فينا ويقول هنا بيوتكم وحنا صنن ولا حرف .. والساعة 9 تقريباً شبهنا عالحاره ولقيناها .. يوم دخلنا على الحارة ألقى اخواني عند الباب وابوي معهم ( شاكين اني اخذت السيارة ) يحتروني ويوم شافو دورية بعد جايبتني شفت الوالد الله يطول بعمره يدخل وينزل ومعه عقاله وتكفخنا انا وولد جيراننا وكملو علي اخواني بعدين هههههههههه

بس ايام يازينها كلها مغامرات