[اشراقة قلم]

الحمدلله رب العالمين والصلاة والسلام على اشرف الأنبياء والمرسلين

وعليكم السلام ورحمة الله وبركاته

أضحك الله سن الجميع

وحياك الله وبياك اختي الكريمة ..

عندما قراءت عنوان الموضوع تبادر الى ذهني عدة مواقف

منها هذا الموقف

دخلت اولى ابتدائي بالواسطه لصغر سني

كل شئ بالواسطة



نرجع لمحور ذكرياتنا..

كانت معنا وحده سمرا الله يذكرها بالخير تكبرني بعامين

فكنت اعمل لهم الف حساب ( لأن مااحد يسلم منها )

وإذا شكيت للوالدة قالت إعتمدي على نفسك..

المهم البنت كانت فتوة ( كنا وقتها نقول هذي بطلة )

طبقت المثل الشعبي الي يقول راس ماتقاويه صاحبه

مو طيب بس الخوف شين

مرة طلبت مني اجيب برتقال ( عاد كيفها هذا مزاجها )

قلت ابشري وبس ( تراه كرم مو خوف)

من بكرة جبت برتقالتين ( يمكن وحده ما تكفيها )

والوالدة الله يحفظها مبسوطة

بنتها معها فاكهة وهذا شئ مفيد لها وشئ جميل انها اخذت لصاحبتها بعد

ومن شفتها

قلت فلانه انا جبت برتقالتين ( يمكن شنطتي لو تاخذ اربعة ولاخمسة ما أقصر )

قالت انا كنت امزح معاك بس زين جبتيه ( شوفو الرد بس )

المهم البرتقال الحين بالدرج

والحصة الثانية

مدت يدها الزميله لدرج تقشر البرتقاله بصمت والأستاذة تشرح ( الله من الشفاحة ما كأنها شافت برتقال )

حاولت امنعها ماقدرت

كانت شقية جدا ماعليها من احد

الأستاذة توقفت عن الشرح وصارت تشمشم

ريحة البرتقال فاحت بالفصل كله، قالت ايش الريحة هذي

صارو الطالبات يتلفتون وانا مايحتاج حدث ولا حرج

مالقت رد من اي طالبة واخذت تدور علينا وتطل في كل درج

جانا الدور

وكفشت الزميلة ووقفتها

قالت مو انا اللي جبته تراها فلانه ( هذا جزاي )

انا صرت كذا

:confused:

قالت الأستاذة: فلانه جابته بس ماقالت لك تقشرين بالفصل

:901:

على فكرةإلى الآن علاقتي مستمرة معها وهي من الصديقات

رغم بعد المسافات بيننا....لكن بدون خوف

:)
شكرا لك اختي الكريمة وجزاك الله خيرا