[نبض الوفاء]

السلام عليكم ورحمة الله وبركاته
هذا أول موضوع لي وإن شاء الله يعجبكم
كلنا في يوم كنا صغار ولنا ذكريات حلوة ومرة خاصة
أيام المرحلة الإبتدائية
لسه جدد على الدراسة وكمان خوف وما نبغى نفارق أمهاتنا
ويمكن أيام زمان كان للمعلم والمعلمة هيبة شديدة
الله يرحم أيام زمان كنا نخاف نمر من قدام المدرسة أدب
ويمكن عند البعض خوف
أما الآن تلاقي الطالب والطالبة يحط عينة في عين المعلم والمعلمة
وما ينزلها

الفكرة من الموضوع
نبغى نسترجع ذكرياتنا سواء المفرحة أوالحزينة أوالمحرجة
أتمنى تشاركوني

هذا أول موقف

بسادس ابتدائي تعرفون الصنانير والغرز عقدوني فيهن
وانا ماكنت اعرف اسويهن لين تراكموا علي ودايم تهزئني وتشرشحني هالمعلمه
من كثر ماحسرت فيني
والله اني اقوم قبل الفجر بساعات اشتغل بالغرز وابكي اشتغل وابكي
ونصه غلط بعد
ولي زميله نفس الحكايه ماتعرف تجيب قبعة صوف جاهزه وهي خايفه ومتروعه وبعد ماتدقق المعلمة بالقبعه
ترميها بوجهها هههههه ياما رمت بوجهها هالمسكينه
المهم قالت جيبو معكم حلويات اليوم الفلاني ابطلعكم كشته بحوش المدرسه
واااو مين قدنا كشته وحلويات!!!!!!
كل وحده بهاليوم جايبه معها (شحنه) يوم جت الحصه قالت يالله يابنات اطلعوا وبأصبعها تأشر ماعداكن انتن يالثنتين وتناضرني انا وزميلتي ......ياااااه وانا مستعده وماسكه كيستي المليانه ياحرام انكسر خاطري اشد انكسااااار
واسوي نفسي ماهتميت وافل كيستي وحلوياتي ونجلس ناكل انا وزميلتي
بس من العبره وااااقفه بحلقي عجزت ابلع هههههههههه
ونضحك وعيوننا مليانه دموع <<<<<<<احس اني اببكي الحين لو أشوفها :502:

الموقف منقول ههههههههههه يعني مو لي