تفضلوا هالابيات
ندري وتدري ،، يابعد حي غاليك
............... إن الخطر في سوق الأسهم وكادي
وندري بعد ،، ياجعل ربي يخليك
............... إن الضريبة ( سكّر) و( ضغط ) زادي
مرات ياخذ منك ،، ومره بيعطيك
............... وأمرار لا خسران ولا مستفادي
لكنّ أنا بأسألك إن كان يرضيك
............... وأبغى جواب(ن) بالصراحة حيادي
لو به طريق(ن) زين بالمال يغنيك
............... وبلا مراكض بين رايح وغادي
وإلا شغيل(ن) عن فضاوة يسليك
............... كان الفكر وجّه خشاش وقيادي ؟
حتى (( بقالة )) بالطلب هبلوا فيك
.............. وظف سعودي ،، يا سعودي سعادي !!
وإن قلت تبني بيت ،، إغسل أياديك
.............. البيت يلزم له حروب وعتادي
ماتدري الأسعار ماهي كما ذيك
.............. كل(ن) على الجنحان جنّح وزادي
ما بين طابوق وسمنت وشبابيك
.............. ورمل وحديد ،، غير شغل الأيادي
مالك سوى بنك(ن) يرحب : هلا فيك
.............. المحفظة ببلاش ،، شرّف يا ( شادي )
إلنا سنين وما درينا بأقاصيك
............... يا سوق مال(ن) جعل منته بغادي
وجعلك دوام الدوم شغال يا بيك
............... راضين منك بمكسب(ن) أو ( لهادي ) <<< لهده = ضربة أو خسارة
إدمان ياسوق الحسافة ،، وطراويك
............... تهيض العشاق حضر و بوادي
العشق بلوة ،، ومن عشق حيل يغليك
............... وهذا مرض مستشري بالعبادي
من اجمل ماقرأت لأحد الاخوة يرد فيها لصديق ينصحه بالخروج من سوق الاسهم
كنه كاتبه في اغلبنا
|