[مسهيم]

:619:

المشاركة الأصلية كتبت بواسطة مسهيم

بدون لف ولا دوران السوق شراء بثلث السيولة في الاسهم الغير منتفخة ومعليكم فيمن ينعق بالخروج. كيف الشراء؟ متوقع ان يتم القصف بداية الفترة المسائية لذا ضع طلبك حول او اعلى من النسبة بقليل وضعة في ذروة القصف

اما لماذا ثلث السيولة لانهم قد يتمادون في النزول لل10150 فتكون ثلث السيولة الاخرى موجودة غدا لمشاركتهم الكعكة. اكبر غلطة فيمن يعرض اليلة في ذروة القصف الا اذا كان سهمة متورم :fly:

المهم ضع الطلب حول النسبة واذا ارتدوا انت كسبان واذا رشوك لا تحمل هم عندك سيولة احتياط تجمع معاهم ولاتبيع الي شريت اليوم اسبوع زمان 10 الي 25% ربح

تحياتي

اليوم الثلاثاء ينطبق نفس الكلام الذي قلناه امس السوق شراء ومن شرى البارحة فلينتظر النزول القوي ان كان هناك نزول ويلقط وان كان كسبان يبيع جزء بسيط وياخاذ من تحت ان قدر قبل مايباغتة الارتداد :fly:

المهم لاتعرض بخسار فتندم في الاخر السوق مقبل على طلوع والسوق تجميع وضغط ومن لزوم الضغط التطفيش والنخل والقصف وليس شرطا تذبذب ضيق كما يتصور البعض فالاخير يحدث عندما تكون الناس كسبانة ولها قابلية للبيع واما الان فالغالبية خسرانة ومات احساسها بالنزول وصار لهم صابرين فترة طويلة ماباعوا فما راح يبيعون الان فلازم ينخلونهم بالرعب اذا ارادوا التجميع حتى لو سحبوة لل6 الف فلايتعبون حالهم واقصى نزول باذن الله 10250 مع اني اشك لكن وشفرقت من الان وكم راح تنزل الاسعار؟!!

ضعف السيولة للترقب وهناك من يقول اعمار وستدخل عندما يحركون السوق وراح تشتري باسعار اعلى من الي قاعده تتفرج عليها الان حيث هم الان IN وانت يالمسكين OUT! نقص الكميات دليل ان المتداولين ضجت بهم حركات لعب المبزره الي يصير وامتنعوا عن البيع وهم الان من يبيع ويشتري بين انفسهم للضغط فقط!

وعلشان تتطمنون للسوق في الوقت الراهن ان من اسباب استقرار السوق وضع القياديات الذي يتحدد بالارباح وليس سعر السهم بالسوق. فالناخذ اراجحي ارباح كبيرة وزيادة راس مال بالضعب فحتى ان نقصت الارباح قليلا فزيادة راس المال لاتاتي عبث وهم يعون ذلك فارادوا خلق الملل في نفوسكم بتصريفة بالنسبة!

الاتصالات ارباح ثابتة ويسهل تقديرها وقابلة للنموا الكبير متى ماتحركت ادارتها ومكرر ارباحها الان نازل ولايغركم حركاتهم برش السهم اقسم لكم انة تدوير بين محافظهم لاغير يتلاعبون باعصابكم فهم يضعون الطلابات والعروض واتحدى الهيئة تسائلهم ولك الله يامضارب اللجين ماعندك واسطة مع الهيئة المحترمة

الكهرب وخبرها معروف وسعر بلاش!سابك مشاريع كبيرة وعملاق قادم لعشر سنوات وهم يعلمون مشاريعها وعندهم صبر عليها ماعندهم مشكلة لكن ما يهمنا هنا ارباحها ولكي نقيمها لناخذ المجموعة كمثال مع اختلاف المنتجات لكن نستطيع التقريب فقد نمت ارباحها بمقدار 48% عن الربع الثاني ولنقل سابك ستنمو فقط 25 % من ارباح الربع الثاني والتي كانت على مااعتقد 4.6 مليار فهذا يعني انها حققت 5.75 مليار واذا قلنا زيادة 15% فقط فهذا يعني 5.29 مليار واذا قلنا 10% فهذا يعني 5.06 مليار واذا قلنا 5% فقط 4.83 مليار وارجح الرقمين الاخيرين او ما بينهما وما زاد خير وبركة!

يجب ان تعي فترة التجميع مملة لكن فاز بالملذات من كان صبورا ومن لايشتري وقت عزوف الناس فيذكرني بقصة القرود الخمسة التي تضرب بعضها البعض اذا احد اعتلى السلم نفس الشي الان الصغار يتفرجون بعد ان ذاقوا علقة الهامور سابقا وهم الان يجموعون والصغار تترقب

اذا دع القلق وابدا الحياة والدخول في عز التشاؤم عني 50% داخل والباقي احتريهم بس ينزلون. رسالتي بالدرجة الاولى للخسران لاتعرض حتى لو اضطررت ان تصبر ستبيع باعلى بكثير من الان اما صاحب الكاش بكيفك لكن ادخل بعز القصف والهلع وذروه النزول ب 30 الي 40 % سيوله وامسك سهمك السوق مابة الا العافية

تحياتي