[هامور بدوي]

أبشر يارحيم

بس لازم يكون عندك مباشر برو

ماتقدر تضارب بدون مباشر برو صعبه جداً

أنت قبل الإفتتاح حاط عينك على الدوائية..وجتك توصيه من هامور بدوي ليوم الأثنين على الدوائيه وماتدري متى تدخل وش تسوي؟

تفتح مباشر برو وتروح بالماوس الأيمن عند الدوائية وتضغط الرسم البياني

يفتح لك صفحه فيها شارت

تحرك الماوس بنصف الشارت وتضغط ماوس أيمن وتختار> مؤشر

تطلع لك مؤشرات كثيره..وكثير منها يصلح للمضاربه

لكن اليوم خل الدرس والتطبيق على أسهل مؤشر الي هو خطوط البولينقر..وإن ضبطناهن أوعدك كل فتره نشرح مؤشر جديد..والمضارب الذكي والمتمرس يعمتد على أكثر من مؤشر بوقت واحد ويوافق بينهن

عموماً بدايةً خلنا على البولينقر

اذا اخترت مؤشر دور مؤشر بالانجليزي أسمه Bollinger Bands

بعد ماتختاره تطلع لك صفحة إعدادت للمؤشر الفترات الزمنية راح تحصلها 20 خلها 14 أفضل
بعدين فوق جمب متغيرات الاعداد تحصل عام أختاره عشان الألوان وهذي مهمه
الوان الرسم البياني الاسفل خله مثل ماهو احمر والاعلى غيره الى لون ثاني يختلف عن الاحمر ومايعور عيونك وأفضل شيء الأزرق

حلو

طيب اللحين طلع لك ثلاث خطوط واحد فوق السهم والثاني بالنص والثالث اسفله وشن ذولي؟

هذولي سلمك الله هن خطوط البولنقر الي راح تفيدنا بالمضاربه

وشف بالصورة شرحت لك أوقات الدخول والخروج بواسطة البولينقر





وإذا طبقت خطوط البولنقر وتمرست فيها راح تسهل لك كل المؤشرات بإذن الله

ولاتنسى تكون عارف نقاط الدعم والمقاومه اللحظيه لكل سهم

الشراء عند نقاط الدعم والبيع قبل المقاومه

وإذا تبي متابعه كامله لسهم تضارب فيه بإستمرار لازم تفتح أكثر من صفحه

تروح فوق الدوائيه والماوس الأيمن وتختار أفضل الأوامر حسب السعر..
ومرة ثانيه ماوس أيمن وتختار الصفقات> مهمه عشان تعرف كم سهم راح والسيولة الي تدخل والشفط والرش

وأيضاً تختار ماوس أيمن فوق السهم وتختار أفضل عشر أوامر بالتفصيل عشان تعرف متى يجي دورك بالشراء وكم فيه طلب من العيار الثقيل ...الخ الخ

وأي سؤال أنا حاضر

بس غداً إن شاء الله

تصبح على خير