[wahab]

المشاركة الأصلية كتبت بواسطة wahab

بالعكس أسعدتني صراحتك .. لكن الظاهر إنت اللي أخذت من كتابتي ماراق لك ورديت عليه ..
سؤال .. لو كنت اقتصاديا .. هل تجميد رأس المال في شركه أو مشروع أو سلعه فترة من الزمن تعتبره
خساره والا لأ ؟؟
من أول ما عرفنا سابك والكل يطبل لها !!!!! وانها بتوصل لـ 2000 والمجموعه بتوصل 1200 وسافكو والتصنيع نفس الشي ولا شفنا شي ..
ثانياً .. النزول اللي أثر على بيشه وقت الانهيار هو خبر إيقاف المضارب إضافة للإنهيار .. الانهيار اللي بنفس الوقت
( هد ) سابك أم أرباح الـ 25 مليار والاتصالات والراجحي وكل القياديات !!!!! بمعنى إن الشركات الثانيه أثر عليها الانهيار فقط دون وجود خبر سلبي ومهم مثل إيقاف المضارب !!!!
واليوم الكهرباء قفلت نسبه تحت يوم نزل اعلان بإن مضاربها تم إيقافه .. هذا والسوق طبيعي .. أضف ان الكهرباء فيها 20 مضارب .. ومع كذا قفلت نسبه تحت ..
تقول لي تأخرت بيشه شوي ما قفلت نسبه تحت وانا أقولك ما قفلت نسبه إلا بعد ما قفلت سابك والاتصالات والبلاد وسافكو والتصنيع ....... يكفي والا أزيد لك من الشركات المحترمه !!!! ولو كنت صاحب نظره ثاقبه كان لاحظت فعلا القصد من هذا النزول المفتعل واللي كان يراد به شركات معينه لحد ما تنهد وبعدها يشدون السوق ؟؟
صحيح سابك ما نزلت 71 % .. ولكنها ماعطتني ( ولا فيه أمل تعطيني ) 900% ..
صحيح سابك ارباحها 25 مليار ولكن لايمكن اشتري في شركه تُستخدم لموازنة السوق .. يستخدمها صناع السوق لتحقيق رغباتهم وأهوائهم وأنا الضحيه .. يتم خفض سعرها ورفعه في لمح البصر وبدون سابق انذار .. لدرجه ممكن يوصل مقدار الارتفاع مايعادل 400 نقطه في وقت تكون بعت اسهمك عليهم بتراب الفلوس ( حصلت ايام الانهيار السابق ) !!!
كل مره ينزل السوق او ينهار يكون السبب سابك أو الراجحي أو الاتصالات .. واليوم كان واضح الرش في كل هذه الشركات ..
بعد كل هذا .. حتى لو كنت أنا على خطأ ( ولا أظن ) .. مايهم .. دام النتيجه او المحصله النهائيه هي حصول الربح .. وهذا هو هدف كل متعامل بالسوق .. وأما المتعلقين فهم اللي ماباعوا في الوقت المناسب سواء في بيشه أو في سابك ..


كل الموده

لقد أسمعت لو ناديت حياً .. ولكن لا حياة لمن تنادي


كل المودة..