ياخوي الشكوى لغير الله مذله
والله ماحد راح يفيدنا
اذا مجلس الشورى طلب جماز وماحضر
ليش ؟؟؟
ومن يدعم جماز؟؟
ومجلس الشورى ماهو مكون من رجال الدوله ومستشاريها؟؟
ليش اعتذار جماز يمر مرور الكرام وماحولك احد؟؟
ياخي ادعي ان الله يفرجها علينا ولاتتعب نفسك اكثر ببرقيات وكلام فاضي ماله جدوى..
يكفي التعب التي تواجهه وانت تطالع محفظتك كل يوم..
الله يعوضنا بخير من اموالنا اللي سرقوها واحنا نناظر..
انا ماراح ابيع اسهمي لو تصل بالسالب والله مايظفرون بها
خساره خساره ..هذا قرار الشراء وانا اللي قررته لكن قرار البيع ماراح يحلمون به مني الا بعد مايرجع راس مالي
والا مكسب..انا اللي قاهرني الناس اللي مقترضه ومتسلفه وباعت املاكها وفي الاخير خرجت بلاااااش..
وضاع تعب السنين واخذوه شلة حراميه مايخافون الله..ياخي اللي مات وش ذنب عياله واسرته واللي انجلط واللي انشل وش ذنب اهله من اللي يقوم بهم من اللي يصرف عليهم..
الله لايبارك لهم في اموالنا اللي اخذوها منا بالغصب..
ليش ياخي هالاموال وهالفائض مايستفيد منه شعبنا..
ياخي لاوظائف ولارواتب زينه وكمان مايبغون تحسن وضعك وتعيش زي الناس..
لازم تصير من المغضوب عليهم ..لازم تعيش على الراتب اللي ينتهي من اول يوم من تاريخ صرفه..
مايجي يوم الراتب الا وانت محمل بالديون وتروح تسدد وتبدأ في فتح صفحه جديده للديون..
حسبي الله عليهم..
الله يعوضنا واياكم وجميع المسلمين بالجنه
وتأكدوا بإنهم لن يستطيعوا منافستكم عليها اذا كانت نيتهم ان يأكلوا حقوق الناس بالباطل..
تحياتي
