والله ياخوك اني ضعت مع هالاسهم
دخلت والسوق في نزول وشريت
وبدأ الارتداد وانبسطت
اثاريه ابو يومين بس
وانا جالس اتفرج عالارباح واقول ماني بايع لين تتدبل الارباح
ويومين ياخوك وتخسر بعض الاسهم
والبعض مرتفع فوووق واقول ماعليك بس تخويف
وحتى لو نزل السهم اعتبر نفسك مستثمر ولاتستعجل عليه
واليوم مافتحت الا وكل اسهمي خساره
حتى اللي كانت تقاوم وتصارع مثل طيبه ومكه والبلاد والراجحي
صارت باللون الاحمر في المحفظه ..
ماعاد لامضاربه ولااستثمار صرنا ننتظر الارتداد بس
ياصابت والا نقول الله يعوضنا خييير..ز
انا مصيبتي تهون علي لاني داخل بفلوسي (فلوس الوالد الله يطول بعمره)
لكن المصيبه الكبيره اللي متسلف واللي مقترض
واللي باع بيته واللي باع سيارته واللي تقسط واللي يشتغل بفلوس الناس
هذولا هم اللي والله احزن عليهم اكثر من نفسي ..
مالنا غير الدعاء بان الله يعوضنا في اموالنا خير ولايخسر مسلم
ويفرج كربة الجميع ..امين
تحياتي
|