على طاري هالسالفة
فيه واحد من الشباب ماله مدة من تزوج
وهو يحب يروح للاستراحة ((بيته ايام العزوبية))
بس خايف لا احد يقلّب في جواله ويصيد اسم حريم ((متحجر))
صارت اسماء الحريم عنده اسماء شباب
يعني :
حصة ===> حامد
مزون ===> مازن
راح يطقطق كوره مع اخوياه في الملعب وترك الجوال في الديوانيه
دق الجوال
رن رن رن رن رن رن رن رن رن
ازعج الموجودين
قال واحد من اللي هناك شوف لا يكون احد يبه ضروري؟!!
قام وناظر بالجوال الا واللي داق
((سعيد))==>
مشهور بتقليد اصوات البنات
رد
الملقوف: الو؟!!
المتصل: الو؟!!
الملقوف: بطل حركات وقل وش تبي؟!!
قفل المتصل.....!
اخذ الملقوف الجوال لصاحبنا
وقام يصايح عليه
-دق الجوال! دق الجوال!
- من هو؟
- هذا سعيد!!! قاعد يستهبل
- صاحبنا قام يصايح:
(( يا المبدول هذي المعزبة,,,, ما ابيك تعرف اسمها في الجوال ,,,,, والحين سمعت صوتها ))
انسدحوا من الضــــــــــــحـــــــــــــــك
وطلع نصف الاسماء اللي في الجوال اسماء شباب عبارة عن رموز للحريم
وقفلت اخلاق صاحبنا وراح يتعذر منها لا تخليه ينام برا البيت
