اقتباس:
|
المشاركة الأصلية كتبت بواسطة عبد الكريم عداس
الثلاثة ريال عادت للزبائن فأصبح كل واحد دافع 9 ريال
القرسون أخذ 2 ريال من أصل ال 27 التي دفع منها 25 للمطعم
|
تصدق توني اقرا التعريف انك محلل مالي .. الحين معذور على الحل
اقتباس:
|
المشاركة الأصلية كتبت بواسطة خــــالــــد
مافيه ريال ضايع إن شااء الله
المطعم حسابة 27.. مع القرسون....وثلاثة ريال رجعن لهم كل واحد ريال ....!!
|
بالنسبة لك اخ عبدالكريم وخالد ليتني مشرف كان احذف مشاركاتكم مهوب تقليل فيها لكن ابي عشان الي يجي بعدكم يدوخ
كنت ابي الي يمر على اللغز يفتر راسه لين يدوخ مثل الي صار مع واحد في احد الجلسات يوم قلنا له اللغز
قام مسكين يعد ويزيد وينقص ويحسب باصابع يديه وعشان يضبط العد معه زين ما يضيع يشر بلسانه
على اصابعه ثم دخل اصابع رجليه وقعد يشر بلسانه على اصابع رجليه بس ما طالها ترده كرشته
لان الاخ مكرش وهذي من اضرار الكرش انك ما تقدر تشر على اصابع رجليك بلسانك مثل صاحبنا
وبالنسبة للي ما فهم حل اللغز
اثناء قول اللغز قلنا الجرسون أعطى الشباب كل واحد على 1 ريال
صار كل واحد دافع 9 ريالات
بعد كذا قلنا 9 ريالات × 3 = 27
بعد كذا اضفنا ريالين الجرسون وهذا هو الي ضيع الشباب لان الريالين الي مع الجرسون
يجب اضافتها مع حساب المطعم وليس مع ناتج حساب الشباب
واشكركم جميعا على المرور والمشاركة