إخواني أعضاء هذا المنتدي الرائع.......
السلام عليكم ورحمة الله وبركاته:
قبل أيام قلائل كتبت عن موضوع طرح تداول سهم بنك البلاد…ولما للموضوع من أهميه أهميه آثرت أن أعود لهذا الموضوع مذكرآ مع قرب التداول..
السهم بدون أدني شك من الفرص الإستثماريه الرائعه..و لكن؟؟ …حتمآ وبدون نقاش ..التنفيذ لعمليات الشراء في الأيام (الأول) سوف يكون للأوامر الخاصه
= علي البلاطه= للهوامير وحاشيتهم وحتي (قهوجية) الهوامير..قبلي وقبلك وراح تكون الأسعار… أي أسعارشرائهم…متدنيه نوعآ ما أو لنقل بسعر وراه عيشه ..مكسب.. حتي لوباع اليوم الثاني رغم إن الهوامير لن يبيعو أبدآ في المستقبل المنظور …فـــ الداخل مفقود والخارج..مافيه .. (حتي يكون مولوود).
والسيناريو المتوقع حدوثه الآتي…كحش وجمع بقدر المستطاع حتي يصل لسعر الإستقرار أو التذبذب..طبعآ صغار المتداولين وأنا أولهم لن يحصل علي السهم إلا بسعر يقترب للأعلي يعني من الآخر .. حينها يبدأ الهوامير وثعالب السوق تسيل لعابهم علي السهم والسهمين اللي حصلنا عليها أنا وإنت وتبدأ حفلة الترويع أولنقل (الزار) راح تضاء الشموع الحمراء ويبدأ التّرقيص علي إيقاع الدفوف مع الركل والنغز بالخاصره والتنطيط مره فوق ومره تحت وأكيد فيه من هو تصيبه حالة تلبس ورقص هستيري ومع أقرب باب يطلق ساقيه للريح وزي ماتطلع تطلع ..وكل واحد يطلق ساقيه للريح وراه هامور يتدحرج ويلم وهو يقهقه علي منظر الساقين الفّرارَه (طبعآ يتدحرج لأن الهوامير أشكالهم مختلفه عن البشركرش مترين ومؤخره بارزه 2متر ) …
الهامور إشتري بالسعر المتدني وما عنه إستعداد يشتري إلا بهاالسعر..زاحمتوهم بأرزاقهم في البدايه وعليكم تتحملو زعلهم وديدنهم عند الزعل تنظيم الحفلات علي اللون الأحمر…. وهنا مربط الفرس وسر (التوصيه) هذي مني لكم …. اللي ترتعد فرائصه وتتصكصك ركبه مع أول إيقاع للحفله المنتظره واللي لابد منها والله اعظيم أحسن وأبرك له إنه يبسط بحلقة الخضار بعيد عن الهوامير وحفلاتهم…. ما عند غير المواطن الغلبان اللي ينزل للحلقه يوم 25 من الشهر....يعني آخر وناسه… واللي رابط الجأش ومتعود علي الحفلات الحمراء وأجواءها ومثل عجايز زمان يشتري (ويصر) =واللي بده يصير يصير= يدش بكره بكامل قريشاته ويكحش ماتيسر من الطايح وينسي شيء إسمه بيع قبل أربع إلي ستة أشهرو راح يلقي نفسه هامور لا وبعد منظم حفلات( زار وترويع) من الطراز الأول ..وكرش مترين ومؤخره بسم الله ما شاء الله تلفت الأنظار ينحسد عليها….. فــ يا إخواني في الله من هنا وحتي التداول بكره فكرو وقررو خاصه للي عندهم خبره بإطلا ق السيقان للريح وهو معرط بثوبه وعيونه علي أقرب باب بمجرد الإعلان عن الحفله؟؟