السلام عليكم ورحمه الله وبركاته
الي كل من خسر في السوق واولهم محدثكم اهديكم القصيده التي كتبتها مساء البارحه بعد خوفيمن اعلان سابك ومن التصحيح وسوء اختيار الاسهم ولست ناصح لمن هو اعلم مني فانا انصح نفسي قبل كل شي ومن تبع اسلوبي ولكم القصيده
تغلبني وتغلبك
حسبي الله ونعم الوكيل علي ماصار
والسوق اليوم شفت فيه عجب العجب
قمت اتخبط فوق وتحت ويمين ويسار
مادري وش بلاي ومادري وش السبب
ورصيد محفظتي كل يوم في انحدار
ينهمش مثل ماتهمــش النـار الحطب
في سوق كنه البحر فيه كبار وصغار
فيه الهوامير الي تحسب حسبه الحسب
تنهم ماجاها ماهمها تصحيح ولاانهيار
وتنهب الدراهم وربي محللها هالنهب
لا ماهو نهب سطو نهب شطار كبار
تلعب لعبه السوق وتتفنن في اللعب
تعرف مصدر الاخبار وتتحكم بالاسعار
تبيع بسعر العرض وتشري بسعر الطلب
وترش وقت الارتفاع وتااخذ وقت انحدار
تصنع السوق وتعرف تلعبه ماتنغلب
تغلبني وتغلبك ومثلي ومثلك كثار
تلحقنا وراء السهم بعد ماتسوي النسب
واحنا نوصي بعضنا شف هالسهم طار
وشف هاك السهم ياهو ينسحب سحب
ماضرنا غير الاشاعه وكذب الاخبار
ونخم السهم بدون اسس وبدون حسب
نبي نكسب ومانبي نصبر نمل الانتظار
من سهم في سهم ماكسبنا غير التعب
ضرنا الخوف من تصحيح وذكر الانهيار
ونفعنا بخوفنا غيرنا وكسبناهم ذهب
والسوق فيه مضاربه وفيه استثمار
وكل منهم له اصول ويتطلب طلب وطلب
هذا هو سوق الاسهم وهذي هي الاسرار
فيه من خسر وتحسر ومن يعد كم كسب
انصح نفسي وغيري باسهم الاستثمار
ويالله يعوض الخاسر ويبارك لمن كسب
هذا كلامي كتبته عقب اليوم وماصار
يوم شفت في سوق الاسهم العجب
وختامها صلوا علي محمد سيد الاخيار
عدد كل امر تنفذ وكل امر انكتب
اخوكم الشامخ