[بنادول اكسترا]

البارحه كلمتني بنت مبليه
معاملتها صراحه معي تعبانه


قالت سلام وقلت اهلين يابنيه
قالت بغيت البنات وقلت غلطانه


قالت بلاشي دلع رح ناد بدريه
وان كانت هي نايمه صوت لسلطانه


قلت بصراحه ترانا عزوبيه
والكل منا يابنت الناس في شانه


قالت بغيت اسولف اذا تسمح شويه
انا قبل اتصل بك كنت طفشانه


قلت اهرجي زين وصفي النيه
وانا بسولف عليك بنية زانه


قالت بغيت اسالك وش بعد سوريه
والهند كانك ذكي وش كثر سكانه


قلت بصراحه ماعرف الا البجاديه
وعرف من حد مكه لين غيلانه


قالت تحب قلت احب اللي حواليه
وحب ربي وحب الكنج واخوانه


وحب ديني وحب ارضي السعوديه
محبة ماعطاها الخل خلانه


قالت بضحكه وراء اخلاقك تجاريه
اصلا انا يوم اسولف معك خسرانه


وانت بدوي ماتعرف الرومنسيه
وكل بدوي حياته مالها خانه


قلت اسمعي يابنت ان كنتي طبيعيه
والظاهر انك يابنت الناس سكرانه


انا بدوي ماحنيت الراس موليه
الا لربي عزيز الجاه سبحانه


حنا بدو..بدو ون ثارت الهيه
نثبت اليا خالط البارود دخانه


حنا بدو.. بدو دايم نارنا حيه
نزعل اليا صك راعي البيت بيبانه


حنا بدو اليا كوينا ننضج الكيه
يفرحبنا اللي غدا ذوده وحيرانه


يالي تقولين بدو وقول يابنيه
الاصل حنا وعز البيت وشانه