هل صحيح ان اكثر المتعلقين بالسوق هم معلقي حائل..اذن الحذرمن الاشاعات الكاذبه!!
اخواني انا عندي سؤال لم اعرف اجابته وانا ارى نصب الشراك من بعض الاخوان لاخوانهم ..
السؤال هو من احق بالمساعده من تعلق في حائل ب 194 ريال وماحولها بسبب اشاعة رفع راس المال ام الاحق هو مساعدة من لم يتعلقو وتنبيههم ان لايصدقو الاشاعات الساريه الان عن رفع راس مال هذه الشركه من جديد ...
يبقى السؤال انه لنفرض اني مثلا شبه مقتنع بهذه الاشاعه والاجتماع المقرر لجمعية حائل الاثنين القادم وهي قد اغلقت على 119 تقريبا ..
لنفرض انها جابت ثلاث نسب عالاشاعه ووصلت150 الاثنين وطلع الخبر صحيح حينها لواشتريتها بعد تاكيد الخبر رسميا فانا مستفيد ولو بهذا السعر لان الشركه اضافة لنادك والجوف لها نمو متوقع بسبب عوائد القمح..
وهذا افضل من لو اني اشتريها ب 130 بكره والقاها ب 110 بعد عدم تاكيد الاشاعه..
بعدين لنعتبر من التغيير اللي حصل بعد هيئة سوق المال حيث صدرت اعلانات الشركات ولا احد درى عنها من منح ورفع راس مال مثل جازان والبنوك ولم يفلت منها الا الاسماك وهي شركه خاسره بكل المقاييس وهذا واضح من عوائدها هالسنه..
فثقو تماما ان الخبر لما حيطلع حيكون بدون اشاعه مسبقه وثقو تماما ان اي خبر زي كذا لاي شركه لابد ان يلحقه تركيع للسوق للحصول عليها باقل الاسعار ولنا في جازان وفتيحي والاسماك عبره ..فمثلا فتيحي بعد صدور الاعلان وصلت 165 وبعدها لامست 160 ثلاث مرات والاخيره وصلت 145 قبل اسبوع وجازان ايضا وصلت بعد الاعلان 135 ولامست 121 مرتين بعدها بعد ان كانت وصلت 148 ..
المهم ان وضع السوق حاليا لايحتمل المجازفه باي حال من الاحوال وان لانمشي عالاشاعات ثم نتباكى على هيئة السوق ونطلب الفزعه من ولي العهد ..
ملاحظه اخيره بخصوص سعر حائل والجوف الحالي انه مناسب نوعا ما حتى ولو بدون اشاعه في ظل الظروف الطبيعيه فهي عالاقل افضل من شمس وصدق ..والصحراء اللي مدري وشلون توصل هالسعر ..
تحياتي ولايزعل المتعلقين في حائل من موضوعي انما قصدت الخير للجميع
|