[واقعي]

واقعي .. سدت في وجهة السبل ..
طفران (( متعلق )) .. وايش العمل ..؟؟
قال ماباقي الا التجسس ..
على الهوامير .. واجتماعهم .. بكرة الأحد ..!!

لبس بشت .. تعطر .. تهنتك ..
دخل .. وعلى أقرب كرسي .. قعد ..!!

تكلم كبير الهوامير وقال ..
أبشروا .. أبشروا ..!!
قضينا على الحرث .. والنسل ..!!
والله ماباقي ربحان .. في بلدي أحد ..

أرهبوا الناس .. أحيلوهم الي الأفلاس ..
أوصلوهم .. لحد الياس ..!!
اجعلوا احوالهم ترقى .. الي حد النكد ..!!

اشغلوهم بالشارتات ..!!
شاغلوهم بالمؤشر ..
اوهموهم بالأشاعة ..
تربحوا .. خذوها من عندي وعد ..!!

صفق الهوامير .. معدومي الضمير ..
وظهرت انياب اللئام ..
وبكى واقعي وطلب الكلام ..!!
اسمحوا لي .. اسمحوا لي .. ثواني بالعدد ..!!

اعطوا (( الضعوف )) فرصة
يطلعوا من .. دوامة (( التعليق )) ..!!
ماعاد هدفهم ربح .. ووعد مني
ماعاد يعودوها أبد ..!!

ولد عمي سعيد باع أرضه ..
وصاحبي سالم .. رهن بيته ..
وباع (( غوايش )) حرمته .. جاري سعد ..!!

اقترب كبير اللصوص وقال .. (( حشا ))
ما أنت هامور .. أنت (( ثور )) ..!!
أنا أخوي عنده نعجة .. وعندي تسع وتسعين مليار نعجة ..
لكن قلبي (( مولع )) .. ويشعلل حسد ..!!

قال واقعي ياخوي طيب .. (( الوطن )) ..!!
اقتصاد دولة .. ماتفكر فية ثواني من زمن ..؟؟
ماتعتقد ان له حق عليكم .. بالمرة أبد ..؟

قال (( هس )) .. صوتك لاعاد يرتفع ..
انا عندي المحفظة .. أجمل وطن ..
وصايح وشاوح بيده وصرخ ..
انا مالي .. دراهمي .. هي عندي البلد ..!!

بكى واقعي ونكس الراس ..
وقام يكلم دمعتة اللي على الخد ..
قال معقول بالله هذولا يشر ..؟؟
قالت الدمعه .. اسمح لي .. انا والله .. ما أعتقد ..!!