هجاء في شركه الاتصاالات
وننقل لكم فيما يلي
هجاء في شركه الاتصاالات
كتبها واحد لقبه ستورم
( غربلكم الله كل شيء نهبتوه *** مال الأوادم في الضحى تسرقونه ).
خافوا كريم العرش يا ناس خافوه*** لا تسرقون اللي بحاجة معونة.
(000) يا شركة ( المص ) معتوه *** محتاج فيفادول حق السخونة.
وان كان عيا لا يفيده فشدوه*** شدوا وثاقه لين تطلع جفونه.
شوفوا مداوي يا جماعة وداووه*** خلوه يصحى بعدها من جنونه.
سووا تعاملكم مع الناس سووه*** من شان باكر مثلنا تكسبونه.
واللي يبيع الناس بالبخس بيعوه *** الشاطر اللي ما يبهذل زبونه.
يا شركة المنشار جَيبي نشرتوه*** منشاركم حاجة غريبة سنونه.
جَيبي وجيب الناس مثلي لهفتوه*** واللي معه قرنين طاحت قرونه.
تفريغ جيبي فن مُتقَن درستوه*** من عهد ابن كيال مُتقَن فنونه.
يا شركة المص اخفضي ما رفعتوه*** مجالكم يحتاج كل المرونة.
رسم الشهر وش حدكم ما خفضتوه*** والانتر اللي سعرها ترفعونه.
غربلكم الله والصفر ليش جبتوه*** جبتوه غصباً والعرب ما يبونه.
لمصلحتكم وحدها قد وضعتوه*** وعقبها بفلوسنا تسحبونه.
مائة ريال الحد الادنى اقترحتوه*** والاقتراح اصلا مجرد رعونة.
يا مرحبا بالصفر بالرقم قلتوه*** وعلى الجرايد بالثمن تنشرونه.
لا مرحبا بالصفر واللي شنقتوه *** بداخله ما بادي الا عيونه.
مهبول متبرقع بصورة رقعتوه*** بامحق دعاية بايخة تفضحونه.
جوالي اللي قبل مدة فصلتوه *** وانا مسدد قبل ما تصدرونه.
خطأ موظفكم علينا حسبتوه*** وزبونكم لو ما غلط تحبسونه.
زبونكم بالرخص والدون بعتوه*** وش لون باكر بالغلا تشترونه.
هذي عمايلكم وذا ما زرعتوه*** باكر بمنجلكم تبا تحصدونه.
وثوبكم ذاك الذي قد لبستوه*** باكر بحر الشمس ما تلبسونه.
متى يجينا غيركم بس هاتوه *** الكل يبغونه ولو ما تبونه.
لاجل اسمكم صاير لدى الناس مكروه*** يا الشركة اللي كل شي تسرقونه
|