منتديات تداول - أخبار القصيم الزراعيه

شف اخوي انا ماني خبير في الاسهم ولا افهم في سلوك السوق لكن راح اقولك رايي
في القصيم الزراعيه
الشركه عليها ديون متراكمه تتجاوز نصف راس مالها نتائجها الخمس سنوات الماضيه كتالي
1998 = 19.162.000 خساره
1999 = 16.547.000 خساره
2000 = 14.992.000 خساره
2001 =1.487.000 ربح
2002 = 1.485.000 ربح
مجلس الادارة اخذو موافقه من وزارة التجاره على اعدام نص راس المال باقي موافقه الجمعيه اللى اجتماعهم يتاجل كل مره ولو وافقوا راح يعدم نص راس مال الشركه
والشركه راح توزع ارباح في السنوات القادمه لكن بالشكل هذا تحتاج الشركه عشر سنوات عشان يغطون الخسائر

ووجهت سوال لاكثر من شخص عن سعر السهم بعد موافقه الجمعيه على اعدام نص راس المال وكانت اجابتهم هي ان السعر راح يتضاعف

وانا اعتقد او اجزم انه السعر راح يبقا على ماهو عليه وماراح يفرق الا عدد الاسهم اللى في محفظتك هو اللى راح يقل الى النصف

راح اضربلك مثل بسيط

انت رحت للبقاله واشتريت علبتين تونه بسعر العلبه اربعه ريال ولما وصلت البيت حصلت وحده منهم منهيه صلاحيتها وش راح تسوي
راح ترمي اللى منتهيه صلاحيتها وراح
والعلبه الثانيه راح يبقا سعرها اربع ريال ولا راح تقدر تبيعها ب8 ريال

هذا رايي في القصيم الزراعيه

وعلى فكره انا بعتها بخساره جامده لسبب هذا
والله يرزق ملاكها