هل ممكن انجح بهذه الطريقة في سوق الاسهم السعودية
 

السلام عليكم ورحمة الله وبركاتة
اخواني لدي مبلغ 60 الف ريال في البنك شايلهم للزواج باذن الله بعد سنتين .
قلت استفيد من هذا الوقت واشغل هذي الفلوس في سوق الاسهم
يعني مثلا اذا نزل المؤشر اشتري اسهم واذا ارتفع ابيع الاسهم
وكل ماينزل اشتري و كل مارتفع ابيع
هل سوف انجح بهذه الطريقة ام افشل و اعيد قبل الناس بعيد الفطر المبارك ؟
وشكرا لكم و الله يوفقكم ويرزقكم على نياتكم .

لو إن الربح يتحقق في الشراء في وقت النزول، والبيع في وقت الارتفاع، كان محد خسر وأنا أخوك وكان كلنا ربحانين !!
الأمر مو بالسهولة الي تتصورها.
ولا تنتظر أحد يقدم لك وصفة جاهزة على طبق من ذهب ، لأن محد يضمن شيء ، كلها اجتهادات فردية معرضة للخطأ والصواب ..

والنشاط في الأسهم ينقسم إلى مضاربة ، واستثمار ..
فإذا أنت لك نفس وودك تتعلم ، تحتاج وقت حتى تقرأ وتفهم اساسيات السوق ، وتتعلم التحليل الفني ، وهذا يحتاج وقت وجهد ورغبة صادقة منك.

وإذا أنت مالك مزاج تدخل في التفاصيل والمتابعة اليومية ، فخلك مستثمر وكبر راسك ، في سهم المخاطرة فيه قليلة وربحه أيضاً معقول.

مثل بنك انماء ، تشتري فيه الآن ، وتنام سنتين ، وبعدها تبيح بربح بإذن الله ..

دامها لزواج خلها
طريقتك ليت دقيقه الا اذا لديك مصادر وتوصيات

لكن سنتين طويله
لوتشوف احدى الشركات الي تعطي ارباح كالتعمير مثلا

نصيحة لله دامها لزواج خلها تراها بتضيع في سوق الفلس والمحرقة. وصعب التعويض

استثمر في قطاع الاسمنت .. الله يوفقك

استثمرها في اي نشاا وخلك من الزواج،،،الان فيها غرامه 50 الف وسجن سنه،،،،،،،كبر المخده وارتاح

مسكنيها يابو الشباب وخذ مقابلها شيك لمدة سنتين بمائة الف ريال

الخوف تشتري على نزول و...ينزل..
وكمان ينزل وكمان ينزل.. وراحت فلوسك
ياعريس :)
لا تتطمن لسوق الفلس .. والله ان كثير من
الناس نسيو التفكير حتى في استرجاع رؤوس
اموالهم :(

أخي الكريم انا شخصياً أجد أ الأستثمار في سهم يوزع أرباح ربعية أي كل ثلاث شهور أفضل شي بالنسبة لك والله يوفقك .