مدينة المعرفة
 

الموضوع للنقاش
وش رايكم في مدينة المعرفة للاشهر القادمة؟
انا تجربتي مع مد ينة المعرفة دخلت بسعر 15 قبل سنة ونصف تقريبا وبعتها بحوالي 20 طبعا السهم وصل الى تقريبا 21 ثم نزل الى 14 بعدها ارتفع الى 18 شريت عند سعر 18 على امل انه يصل لل 20 لكن للاسف نزل الى حوالي 13 وبعت عند هذا السعر

الان انا دخات عند سعر 15 على امل انه يصل الى 20

وش رايكم؟

شوف طيبة ومكة والجبل وانت تعرف اهدافه.

مدينة المعرفة قعدت سنة وأكثر وهي تحت سعر الاكتتاب ثم دعست في 2012 ووصلت 21 ثم دحدرت والحين والله أعلم ممكن توصل ل20 وأكثر ولكن مدة الوصول الله اعلم .

على فكرة انا شغال في سوق الاسهم فقط في سهم واحد هو المعرفة اشتري 1000 سهم مع كل 20 هللة نزول وابيع مع مكسب 30 هللة للكمية التي اشتريتها ومعين خير واصبح بيني وبين السهم علاقة حميمة وهو سهم آمن ومشاريعه ما بعد اكتملت والا تشوفه فوق 30 بإذن الله تعالى.
ليست دعوة للشراء وربنا يوفقك.

يعطيكم العافيه
دخلت في سهم دار الاركان لكن مشكلته حركته بطيئة جدا
الي يخليني متفائل في المعرفة حركتة سريعه اذا بدا في الارتفاع
لكن عسى تكون تجربتي معه هالمره حلوه خاصه انه نكبني المره الثانيه

شوف اعطيك طريقة وجربها: فرضاً
اشتر 2000 سهم عند السعر الحالي
كل نزول للسهم بمقدار 25 هللة اشتر 1000
طبعا انت ادرى بنفسك وتعرفك الى وين تقدر تروح مع السهم نزول على حسب دراهمك.
إذا ارتفع السهم عن سعر مشتراك لاي (1000) سهم اشتريته بيعه وبكذا تقلص متوسك الشراء وتوفر سيولة.
الكمية الاولى التي اشتريتها عند اعلى سعر لاتبيعها لانها هي استثمارك وسلامتك.

هذه طريقتي ومريح بالي على الآخر وكسبان ولله الحمد وعند قدرة اروح مع السهم الى سعر 11.5 كل 25 هللة نزول اشتري 1000 سهم طبعا الناس اللي عندها سيولة كبيرة تقدر تشتري 2000 سهم او اكثر.

يعطيك العافيه ................نجرب

شريت اليوم كالتالي:

2000 16.15
1000 15.95
500 15.8

استراتيجية واضحة وبكرة بإذن الله نزود ف يحال النزول عند 15.6 او نبيع كمية عند 16.1