|
بنك الانما
والله يا ناس هسهم جاب لنا الصمرقع
كل ما نتابعه يا خمس هلالات فوق ولا تحت بس اليوم مضارب السهم خربها صراحة في اخر دقيقة ورفع السهم 10 هلالات الله لا يرفع قدره ويوم السبت بينزله نفس الشي يعني تدوير ع الفاضي ومسوي السهم من الأسهم الأكثر محنه اسف قصدي الأكثر( نشاطاً ) والله حااااله ومتعلقين من 16 دعواتكم لأخوانكم المعتقلين في قونتاناموا وترو سهم المصافي عليه كلام قوي للمضاربين يوم السبت هابي ويك اند |
يالغالي شركه مثل الانماء ياتضارب معهم والا قفل عليها لمدة سنه اقل شي
عدد الاسهم الحره اكثر من مليار سهم فطبيعي تذبذبها يكون على الهلل لانها تحتاج سيوله كبيره عشان ترفعها أقترح عليك الصبر الى نهاية السنه وحسب المعلومه اللي عندي انها الى 17 ماني متأكد من صحة المعلومه لكني سمعتها ووصلتها لك والقرار بالاول والاخير لك |
اقتباس:
عام 2004 و 2006 فقد الكثير من الثقه في الإستثمار به واصبح أغلب المتعاملين به مضاربين وهذا شيء مؤسف . استحدثت ثلاث شركات منها مصرف الإنماء بعدد كبير من الأسهم واصبحت المضاربه ثقيله مالم تكن لديك راس مال كبير حتي تستطيع أن تكسب . او تشتري وتجمع به من اسهمه الرخيصه على امل ان ترتفع مع الوقت وشعر الشراء يكون مناسب وربما بعد سنوات يصبح السعر الحالي سعراً العوده اليه مستبعده . سهم مصرف الأنماء سهم آمن بإذن الله وهناك شركات تدير الاموال حددت له سعر مستقبلي مابين 16.75 الي 17 اذا كنت راغب في السهم حاول التجميع به بهذه الاسعار المناسبه حتي ينخفض متوسط السعر عندك الي سعر اقل وفقك الله ورزقك من واسع فضله |
تقول متعلف بـ 16 وسعره الآن مدري كم المهم لازم تعرفون شي واحد يااخوان وهو ان السوق كله كتله واحده وكل الشركات بالريال السعودي
فعلى سبيل المثال انت ومن معك راكبين باص تعطل عن صعود طريق مرتفع وفي جانبكم باص جديد بإمكانه يطلع بسهوله لمذا ياأخي لاتخرجون منه وتركبون الباص الآخر فكل الباصات متجه لقمة الجبل منها السريع ومنها البطيئ ومنها المشلول اللذي يمشي على عكاز والخساره هي فقط العموله اللتي ستنقلك من هذا الباص الى الجديد او السريع كرسوم تغيير فلمذا هذه القناعه والاصرار على التعويض من هذا السهم العطلان ريح راسك وشوفلك سهم يعوضك بشكل اسرع من الانماء ونا ماقلت اخرج منه ولا تدخل سهم آخر بمعنى الخساره هي العموله والخروج من السوق كليا بدون رجعه ارجو .. ان وصلت الفكره ولاكن بشرط ادرس السهم القادم الجديد لكي تبتعد عن المطامره |
اقتباس:
وخاصه اذا جعلت 30في الميه من المبلغ مضاربه يوميه في نماء و70في الميه اسهم ثابته لا تفكر تبيعها حتى يعود لك راس مالك وان شاء الله مضارب نماء يطلعك من التعليقه اما بنك الانماء اذا جلست فيه شب النار وقل ---ياليل ما اطولك |
اقتباس:
|
الله يرحم والديك ابي اعرف وش مجلسك فيه اطلع لسهم ثاني وعوض خسارتك وصدقني راح ترجع له ةوهو مراوح مكانه ونصيحتي للمتعلقين ياخي انت خساران خسار فلذلك ليش تجلس في السهم مده طويله لحين يرجع اطلع وشوف لك شركات تتحرك بسرعه وبعدين اجن ربحك واذا تبي ترجع لسهمك الاول ارجع تحياتي
والسوق السعودي 70 % مضاربين |
اشكركم جميعاً يا اخوان
وفي الحقيقه ان سوق الأسهم لعب في نفسياتنا حتى الخميس والجمعة اللي المفروض نرتاح فيها من زود قرادتنا نتابع فيها الأسواق العالمية لخشيتنا من انعكاسها على سوقنا واللي وصلنا فيه ليقين انه يحرك من اشخاص يتحكمون فيه حيث ان الأخبار الأجابية تأثيره يكاد يكون معدوم لكن لو ينزل ( اداو) 100 نقطه يسارع سوقنا في التجاوب معه الأن الداو مرتفع لرتفاعات قياسيه وقد نشاهد 1400 وسوقنا ع كثر الشركات اللتي دخلت السوق الا انه يعشق رقم 6000 وممكن بين عشية وضحاها يجاوب عندها والله العظيم اذا طلعت ما عاد الرجع الا في حاله وحده حين التقاعد من الوظيفه ممكن الرجع اقضي وقت الفراغ غير كذا والله ما الرجع ورانا وراعين لهم احتياجات ونصرف عليهم ... واخر حديثنا الحمدلله رب العالمين |
| الساعة الآن 05:57 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.