كل هذا النزيف في السوق ولا مسئول خرج بتصريح واحد!!
 

السلام عليكم

ياجماعة تصريح أو رسالة تطمين من سموه أو معاليه

بل على العكس من ذلك بالأمس كاتب منافق يشكر القيادة على حماية المواطنين في سوق الأسهم وأن برقية كائناٌ من كان هي السبب في حفظ حقوق المساهمين ((وحنا لنا سنين نطرد ورى ذا الكاين الي ماكان ولا حصلوووه))

نعرف أن سوق الأسهم ربح وخسارة ولكن هناك جهة رقابية لازم تصرح وتدعم السوق ولاتسرب مايؤثر على السوق من برقيات الا اذا كان الأمر مدبر سلفاً لدخول سموه ومعاليه والصناديق الأجنبية ,,,لأن المواطن مايستاهل ولا ياخذ شي بلاش لو ينبت له قروووون

نريد تصريح وتطمين حتى تتوقف عملية البيوع وإلا سنرفع شكوى ضد الهيئة بسبب تسريب البرقية وماأعقبها من خسائر طالت معظم المساهمين

يارجال مافي احد وقف سوق العقار اللي وصل حدود غير معقولة
جات على الاسهم
وسع صدرك وقرب البراد

البراد موجود بس ماله طعم هههههههههههه

ياأخي للهيئة فترة تريد تركيع السوق وتخوف الناس حتى يبيعون

نزلوا اكتتابات مانزل السوق وقفوا شركات مانزل ,,, غرموا مضاربين مانزل السوق ,,,بعدين سربوا البرقية واعطوا الضوء الأخضر لبعض الصناديق تبيع ثم انجرف خلفهم الهوامير وصغار المستثمرين والمضاربين

حركة واضحة واحنا ساكتين بس مصخوووها

ياشبااااااااااااااب السوق مابه شي
بس صاانع السووق مايبي يطيح وجه صاااااااااالح كاااااااااااااااااااااامل

هههههههههههه لا لاتنزله طال عمرك

اجل تبيه يخرج عشان خسارة ٥ ملايين مواطن !!
تو الناس... لازم جميع المواطنين يخسرون وبعدين يفكر يطلع
ودي اقولك قصة (ماعرف تفاصيلها او الاسماء)
يقولك صار غزو على احد القبائل ايام زمان
وكان فيه واحد قوي جدا في القبيلة اللي هاجمين عليها وجالس في خيمته
جوه ربعه قالوله قوم قوم غزونا القبيله الفلانيه
قال: تو الناس خلهم يوصولون شوي واقوم
المهم قربوا الغازين اكثر
قالواه قوم ياولد قربوا علينا
قال: تو الناس شوي بعد
ماتحرك من مكانه لما دخلوا عليه اذبحوه وهو قاعد هههههههههه (الله يرحمه كان جدا بليد ولا عنده احساس)
فكر بالقصه وافهم قصدي :)

ههههههههههه
تهقى يسوونها القوم

ماقول الا الحمدلله على كل حال
وسوق الاسهم مو لنا

سوقنا يبيله واحد قووي وبليد مثل صاحبنا هههه

المطلوب جمعه جديده على شان يصحى النايم