|
كيف يكسب الهوامير في السوق ونحن صغار المتداولين نخســـــر؟
اخواني الأعزاء السلام عليكم....
اسأله كثيرة تدور في نفسي وجالس احللها من جميع النواحي وابغا احصل لها اجابه تريحينى وتريح كثير من امثالي صغار المتداولين في سوق الاسهم وجميع الاسواق حتي في سوق العقار لماذا دايما الضحيه الصغار او الجديد في السوق لماذا هم يكسبون ونحن نخسر وهذا بعد توفيق الله ومشئيته... هل لانهم يملكون المعلومه الصحيحه ولهم مصادرهم الخاصه؟ هل لانهم يملكون اتخاذ القرار ويعرفون متى يشترون ومتى يبيعون ؟ هل هم الأذكياء فقط وعقلولهم افضل من عقولنا ؟ لماذا كم شخص يملكون كم مليون يؤثرون في سوق يملكون فيه صغار المتداولين فيه مليارات؟ هل لانهم يملكون الصبر ونحن لا نملكه؟ هل لانهم يستفدون من اخطائهم ونحن لا نستفيد؟ هل لأنهم في سوق عند اقل اشاعه يطلقها احد نتدافع على البيع لو بخساره لكى يؤخذ اسهمنا بأسعار رخيصه ونأخذها بأسعار عاليه بعد مايمدحون لنا السوق ويتم التطبيل للسهم ونطلع بلا فائدة ؟ هل لانهم يملكون ثقافة الاستثمار ونحن نخاف من نزول سهمنا لو نص ريال ونبدا سياسة البيع الجماعي ؟ اسأله كثيره لم اجد لها اي حللول في سوقنا الذى يمثلون فيه صغار المتداولين الشريحة الكبيرة ويملكون مليارات ومع ذالك دايما هم الضحيه.... هذا وارجوا المعذره من الجميع ولكن هذا مافي خاطرى ونفسي ان اشاء الله اجد لأسئلتى حلول واشوف صغار المتداولين هم الكسبانين في السوق وايضا الهوامير لايزعلون على هذا وجهة نظر قابله للنقد والصواب والخطأ... اخوكم///////// ابو فوز |
أخي الكريم . .
هم لديهم فريق من الخبراء والمتابعين لأخبار الشركات . . وبالتالي لديهم معرفة تامه لما بين السطور . . وأهم أدواتهم هي تلك المعلومات وتأثير الشركات على السوق . . ولعبهم الأهم في مراقبة نقاط الدعم التاريخية والمقاومة للمؤشر والأسهم . . ومع الأسف مع أي هزة يقوم المتداول بالتفريط المباشر في أسهمه . . ! ! وتبدأعملية الويل والدعاء على السوق وهامور السهم . . ! ! لكي تكسب تحتاج قلب من حديد وقليل من الصبر . . تحياتي . . |
اقتباس:
|
اقتباس:
كلام جميل وتشرفت بردك وأضافتك الرائعه |
اقتباس:
|
بعطيكها في عبارتين ياحبيبنا وحسب قناعتي انها تسير كذا الحياه وسوق الاسهم بالاخص الهوامير مثلهم مثل ابوطفيسات دراهم لا ماهو مثله ونا خوك فلوسه وسيولته تفرض عليه الصبر فرض وهومرتاح بعد..ان حط 200 ولا300 ولا500 في سهم معه الي يقدر يعدل ومعه الي يدخل به في سهم ثاني ومعه ومعه ومعه لين انه مايحتاج يبيع بخساره وفوق ذلك يستغلون الفرص ويعرفون متى يدخلون ومتى يخرجون مثل ماحصل من طفره الفتره الي عدت دخلوا هوامير العقار واستغلو الفرصه وحققوا مككاسب الي تعوضهم ركود العقار عشر سنين بس انت يبوطفيسات ماعندك صبر ماقدامك الاتبيع بخساره عشان تلحق السهم الثاني لكي لايقلع ويخليك ولالاتتعلق زياده ..وتراني ماحاكيك انت بعينك بس اضرب مثل للي فلوسه على قده هاذي حالته وناخوك ..والله يرزنا ويرزقكم القناعه والعافيه ورضى رب العالمين ثم رضى الوالدين ..واسمحولي على التجرد من التفاصيل الي ماتجيب مردود
|
اقتباس:
اخي الكريم المقصود من الموضوع لماذا نحن المتداولين الصغارلا نملك الصبر مثلهم وكما تفضلت ان بعض المتداولين يبيع بخساره ليلحق السهم الثاني ليش ماينتظر سهمه لين يوصل هدفه ويبيع المقصود هو نظره في سوقنا وتصرفاتنا الخطاء التي يجب ملاحظتها وتصحيحها لنصل الي اهدافنا ومبتغانا.... |
ألأخ ابو فوز
مشكلتنا في السوق هي ثقافتنا في سوق الأسهم. أضافة اننا لا نملك المعلومه ايضا ليس لدينا المعرفه في التحليل وعدم وجود أهداف ولا استرتيجيه في البيع والشراء وربما البعض لا يعرف نشاط الشركه التي اشترى اسهمها فتجده عنده مبلغ من المال وسمع ان زيد او عبيد اشترى في شركه معينه فقام صاحبنا وأشترى بكل ما يملك في تلك الشركه فان ضربت معه فرح وأن جائت عكس ذلك راح يلوم مضارب السهم |
في رأيي حتى تكسب صح تحتاج أربعة أمور :
1- الشراء في جزء من قاع السهم لأنك لاتعلم قاع السهم . 2- وضع هدف مدروس وممكن . 3- الصبر الطويل حتى يتحقق الهدف بإذن الله . 4- البعد قدر الامكان عن شاشة الأسهم والمنتديات لأنها قد تضللك وتغريك عن هدفك وهذا وارد . |
باختصار شديد لانه هو من يقود السهم فيتحكم به كيفماء شاء طلوعا او نزولا ولا يمنع ان تكسب او تخسر معاه ..
|
| الساعة الآن 06:38 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.