اقتراح مهم( ارجوا من الجميع الدخول)
 

انا جديد وغيري كذلك الكثير ونحن لانعرف من هو الجدير بالثقه ونثق يتوصياته وايضاً لانعلم من الغير جدير بها ونبتعد عنه.
اخواني المشرفين اخواني الكريم المنتدى هنا لنفع المسلمين والكثير منا استفاد من بعض الاعضاء الكرام والبعض خسر من وراهم لتوصيته بلا علم وبلا تحليل وبلادراسة.(كلام من راسه) . فأنا باسمى اتمنى من المشرفين ان يقوموا بتثبيت موضوع يحتوى على افضل الاعضاء توصية. وكذلك قائمة سوداء (ان امكن) بالاعضاء الذين يوصون بلاعلم وبلادراية ودراسة. شاكراً لكم.
وبالاول والاخير المتداول يجب ان بعلم بانه معرض للربح والخساره بعد اذن الله سبحانه وتعالى. ولكن الاعضاء الثقه يقللون نسبة الخساره بعد اذن الله.
انا اعرف بعض الاعضاء او المحللين اللي فعلاً كلامهم من ذهب( القلب الكبير - السامري - الجااااار) وغيرهم الكثير الكثير. لكن هؤلاء هم من شدوا انتباهي ولهم الدعوات بظهر الغيب.
اخيراً اخواني ان اصبت بكلامي فمن الله وان اخطيت بكلامي فمن نفسي والشيطان.
والسلام عليكم ورحمة الله وبركاته

الاخ طلال / عقلك فى راسك تعرف خلاصك وانا اخووك واعتقد ان اصغر متداول اصبح يعرف السهم الجيد من السيء 0 وفقك الله

:506::506::506::506:

اناماعرف. وانا تكلمت عن نفسي فوق وتكلمت باسمي مثل ماهو موجود فوق . واذا انت تعرف ترا انا ماعرف . ولو على قولتك اصغر متداول يعرف . تلقا الناس كلها كلها كلها ربحانه وماحد خسران.
يعني تبي تقولي انك تشتري بدون توصيه يعني من عقلك يعني على عماها. :605:

هذا المنتدى لي ولغيري وانا ابي استفيد من خبرات المحللين الافاضل والاعضاء الذهبيين . وانحاش عن الفاااااااااااااااااااااااااااااااااشلين اللي يشترون على عماها ويوصون على عماها. فهمتن.
شكرن لك

عني انا والله لا افهم في التحليل ولا في التوصيه بس اشوف توصيه الي يذكر الله في كلامه واتوكل على الله سبحانه وتعالي واشتري علشان كذا انا مؤيدك وبقوة بعد وتقبل مروري اخوي طلال

هذا كلام الواقع . شاااااااااااااااااااااااااااااااااكر لك مرورك.

أخوي طلال

أنت كم الملبغ اللي انت تشتغل فيه

بنشوف يستاهل نعلمك أو لا

هههههههههههههههههههههه

خخخخخخخخخخخخخخخخخخ كثر المبلغ اللي حطيته انت بالمرجيحه اللي يوم الاربعاء وخسرته بالاحساء . بس ماادري اذا احد دفكم بالمرجيحه او تبغاني ادفك.

عالعموم المبلغ بنص السيوله اهه اهه اهه اهه حول هالمليون. اذا مايكفي ازيده عشانك. بس انا للأسف ما اثق بكلامك وعلم نفسك .

يارجال هد اعصابك

ما احد يثق باحد الا بعد ما يتابعه ويتابع السهم الي يوصي عليه

التحليل الفني تحصل برامج تعطيك اشارات السهم الي تبيه

بس مشكلتنا من السوق ما يفكر في التحليل الفني يفكر في الفلوس وتوجه اصحاب السيوله

الله يرزقنا واياك وكل مسلم