يا سادة يا كرام : ، كان يا ما كان ، كان فيه مؤشر اسمه الناسدك ، كان قمة في العطاء ، و
 

يا سادة يا كرام :

، كان يا ما كان ، كان فيه مؤشر اسمه الناسدك ، كان قمة في العطاء ، وكان يسمونه مؤشر الأسهم الصاعدة ، أو مؤشر شركات الجيل الجديد .

كان المستوى أخر عام 1998 يساوي 2000 . ربح ناس كثير ، وناس صارت مليونيرات من ها السوق ، حط دولار يصير 3 دولار ، ما كان يبغى له شطارة كثير .

المهم في الحكاية في بداية عام 2000 (فبراير 2000) ، وصل 5000 ، الناس استبشرت خير ، والوفود راحت تبارك ، والعزايم كل ليلة ، واحد يقول وين كنا زمان ، عام 1999 وصلت 140% ربح ، هذا الشغل وإلا بلاش . أبو خالد باع بيته في العليا ، وقال مالها الا الناسدك .

ويجيهم واحد من ؟؟؟؟؟؟ ، أقشر واحد من أهل ذيك الديرة ، وفي ساعة ما ذكر فيها ربه ، صكهم بعين ، عين عابرة للقارات ، وتصل ديرة اسمها نيو يورك ، وااناسدك عقبها يترنح ويطيح ، قاموا يرفدونه ويدفونة ، بس أمر الله أقوى .

وفي نص عام 2001 ، ويطيح الناسدك المسكين الين رجع ل 2000 ، صاحبنا اللي باع بيته ، قال لازم أعوض ، مستشاري ديفيد يقول كذا ، وش السوات ..... قال أبو خالد بس : اسهم الاسمنت بعها بلا هم ، بعها بسرعة والحق لا يفوتك الفوت ، واذا فات الفوت ما ينفع الصوت . ويحول قريشاته على الداتيك ، والله ويزين السوق ويرتفع ل 2300 ، قال خوينا ، ونعم والله بديفد، رجال بخيص ويجيب العلوم الطيبة . وفي يوم أغبر ، في سبمتمبر 2001 ، ينضرب السوق ويدحدر الى 1300 . وينك يا ديفد.


ديفد عقب اسبوعين رد وهو مرتاع قال : ما عليش خبيبي ، السوق راخ يرتفع ، والله ويزين السوق ويرتفع ل 2300 ، قال خوينا ، ونعم بديفد ، رجال بخيص ويعجيب العلوم الطيبة ، ويرتفع الناسدك ل 2000 . وبعدها بكم اسبوع يدحدر الناسدك ل 1400 ، قام خوينا وصفا اسهمه وهو يقول : من ترك داره قل مقداره .

وفي الختام نقول : يا سادة يا كرام ، كان يا ما كان ، كان فيه مؤشر اسمه الناسدك ، كان قمة في العطاء ، ربح ناس كثير وكان يسمى مؤشر شركات الخدمات ... أسف ، أسف .... شركات الجيل الجديد أو أسهم الشركات الصاعدة ...... و ...... حكاية جديد تبداء في مكان جديد وزمان جديد .....

اخي الغالي المؤشر
هذه حضاره سادت ثم بادت
امس في القمه واليوم في اسفل سافلين
اللهم ارنا فيهم عجائب قدرتك

مغليك
متوازن

من ترك داره قل مقداره صحيح

حلاالنا في ديرتنا

ومستشارنا صلاة الأستخاره

ثم ثم ثم

ربعي في هالمنتدى المبروك


ولا تهون المنتديات الثانيه عربيات وأعمال الخليج

الأخوة متوازن وواقعي .....


شكرا للتعليق ، وهذه الحكاية للتأمل ، فالتاريخ دائما أفضل معلم .

شركات الوهم الامريكيه
 

بسم الله الرحمن الرحيم
هذه عن سابق تجربه مريره مرت بي
في السوق الامريكيه النذ له الملعونه
ولم اخرج منها الا بعد استخاره شهرين
خرجت منها في عام 1998م وهذا من فضل الله
ثم عمل الاستخاره والدعاء والعمره

صحيح كلامك الناسدك هبط بشده بس لانه ارتفع بجنون وكل المحللين المالين توقعوا له هذا الشي تخيل امزون من 10 دولار الى 120 في اقل من سنه ثم هبوط من 120 الى 8 دولار

بس هذا ما يعني الاسهم الامريكية رايح تفلس
السوق الامريكي افضل سوق للمضاربه بس كون قنوع 1-2 % ولا تفكر في 10 او 20 % وصدقني بتجيبها بس القناعة
وعلى شان تكون واضحه لك الصورة عدد عملاء الاسهم الامريكية على مستوى السعودية فقط يزيد على 8500 عميل

بالنسبة للسوق عندنا فهو سوق ناس كبار وبس والله يخلي تداول اللي حد النسبة والا بتشوف ارتفاع وانخفاض بنسب كبيره جدا في اليوم واذا تذكر الكهرب يوم حطوا النسبة 100% وش صار
بس افضل مافي تداول هو الحد ب 10%

شي بقوله لك انا كنت مع احد المدراء في البنك الاهلي وذكر لي بالحرف الواحد ان السوق السعودي بيتعرض الى ضغط ومن ثم هبوط في الاسعار وان اللي جاري هو عمليات مضاربه على اسهم صغيرة لايهام البعض بوجود ارتفاع

وبالفعل اذا بتلاحظ ان فيه حركة على اسهم الخدمات والزراعيات واسهم الصتاعة الضعيفة واذا قست الموشر فيكون كالتالي

جميع اسهم الخدمات تشكل 13% من الموشر مكه لوحدها 34% من نسبة القطاع الخدمي ثم البحري ب 16 % يعني شركتين نسبتهم 50% من اجمالي القطاع الخدمي
اسهم الزراعيات تشكل 0.44% من الموشر

عزيزي الحكواتي عفوا !! المؤشر
عسى ان لا تتكرر هذه الحكاية عندنا ويرويها حكواتي (مؤشر ) آخر
في حكايات كان ياما كان!!

الأخ متوازن :

عوضك الله خيرا ... انا تعاملت مع السوق الامريكي عن طريق الصناديق الاستثمارية ..... ربح في البداية ، بعدين صفية بخسارة محدودة . صفيت نصف اللى في الصناديق قبل 11 سبمتمبر ، ودخلت السوق السعودي ... وتجي ضربة 11 سبمتمبر ... والله لا وريك من خسارة الصناديق الى خسارة ما بعد الضربة ...

لكن الحمد لله ، سوقنا كله خير بإذن الله ، خصوصا مع المنتديات اللي فيها مثل وشرواك . وبعدين هنا صايرين قريبين من مصادر الاخبار . عامل مهم ان الخسارة هنا بيناتنا ، ما راحت للامريكان

الأخ وهيب :

طبعا أي سوق فيه مجال للربح ، لكن مثل ما تفضلت البعض متعود على الربح الكبير خلال يوم أو يومين .

اعجبني هذا المقطع :

جميع اسهم الخدمات تشكل 13% من الموشر مكه لوحدها 34% من نسبة القطاع الخدمي ثم البحري ب 16 % يعني شركتين نسبتهم 50% من اجمالي القطاع الخدمي اسهم الزراعيات تشكل 0.44% من الموشر


يعني حرك لك كم سهم من فوق ، وشف وش يصير مع اسهم الجيل الجديد !!!!!!

الأخ سين الوسيم :

انا جالس اتابع شغل أبو خالد في السوق ، واقول لكم بعد فترة حكايته ....