نصيحتكم يا أخوان مستثمر
 

السلام عليكم

اخواني الكرام

انا غشيم بالاسهم ، لكن بودي استثمر في أحد الشركات كل شهر مبلغ معين ، يعني كل ما جاء الراتب احط لي اشوي في شركة يكون له مستقبل واعد .

وأرجو أن توضحوا لي معنى توزيع ارباح ،

بعض الشركات توزع نصف ريال أو اسهم

هل يعني كل مستثمر يجي أرباح . وكيف يصير في محفظتي ولا لازم اراجع ما ني فاهم شيء

تراني عليمي في الاسهم وضحوا كيف الارباح هذي .

وهل فكرتي اني احط مبلغ معين في احد الشركات مربح ومجزي لي .

لأني ابي مكان احفظ فيه مبلغ يعني ادخر فيه بدل ما يضيع الراتب هباء .

أرجو نصيحتي وما هو السهم اللي تنصحوني فيه .

الله يرزقكم من واسع فضله

والله يا اخوي سوقنا ماهو استثمار لان السهم الي تدخل فيه يمكن تلقاه بنصف قيمته بعد اربعة اشهر ويمكن تخاف ينزل اكثر وتبيعه وقتها بخساره كبيره 0الاسهم للمحترفين والمفتحين عيونهم والبقيه يبكون ندم انهم دخلوا سوووق الوهم ويتمنون لويحصلووون راس مالهم ويهربون

نتمنى ان احد يفيك ويفيدنا عن توزيع الارباح

اخوي اذا انت مستثمر بجد يعني حاط الفلوس وتبي دخل يدخل حسابك كل سنه او نصف سنه وهناك شركات توزع ربح كل ربع سنه يعني كل ثلاثة اشهر .. طبعا حسب فلوسك تقدر الارباح وبما انك تبي تدخر مبلغ من راتبك معناة انك قليل المادة وما عندك راس مال كثير ..

اذا انصحك تشوف من الشركات اللي قيمة سهمها السوقية قليلة .. لماذا ؟ لانك تقدر تشتري فيها كمية كل شهر من راتبك ..

عندك من الشركات اللي توزع سنوي كثيرة مثل الاسمنتات لكن قيمتها السوقية مرتفعة في اغلبها اذا الخيار يكمن في السنوي على شركتين قيمتها قليلة وهي .. الجماعي 7 ريال يوزع من 0.50 هللة في السنة وتقدر كل شهر تشتري حسب توفيرك .. هناك شركة الكهرباء توزع سنوي تقريبا 0.70 هللة . يعني لو عندك 1000 سهم في الجماعي بقيمة 7000 ريال تحصل في حسابك بعد انعقاد جمعيتها العمومية وتوزيع الارباح 500 ريال ربح وهكذا من الكهرباء .حسب عدد الاسهم مضروب في الربح الموزع وفي الغالب ما يطلع عن اللي قلت .

فيه اسهم توزع ربع سنوي وانا انصحك فيها مثل طيبة قيمتها 17 ريال تقريبا وكل ربع توزع وسعرها حلو تقدر تشتري لو 100 سهم كل شهر من راتبك وتحلبها ..

اهم شيء انك مستثمر وما عليك لو ينزل سعرها لريال واحد في السوق الارباح ما تنقص في الغالب والمستثمر وده ان القيمة السوقية تنزل ليزيد في استثمارة وعدد اسهمه . لان نظرته استثمارية بحتة وماراح يبيع لو يصل السعر الف ريال للسهم . الا اذا تحين الفرص في الصعود القوي يبيع استثمارة وفي النزول القوي يشتري مرة اخرى في نفس سهمه وبكذا يرفع من عدد الاسهم لدية كل عام او عامين .

بالنسبة للارباح الموزعة..

الارباح يتم تحويلها الى حسابك الاستثماري..

يجب عليك مراجعة بيانات كل سهم تريد الاستثمار فيه وحساب عائد الربح الموزع..

لقد قمت مؤخرا بكتابة موضوع مهم بخصوص الارباح الموزعة. انصحك بقراءته والاستفسار في حال وجود أي لبس..

http://www.tdwl.net/vb/showthread.php?t=298300


وشكرا

ملاحظة،

لا انصح بالقيام بعملية شراء اسهم بمبلغ أقل من 10000 ريال.. والسبب هو عمولة عملية الشراء التي تكون ثابتة (12 ريال) في حال الشراء بمبلغ 10000 ريال أو أقل..

تحياتي

مساء الخير والله انا اميل لرد استاذ الفجر 17 فسوقنا لايبشر بخير

او لنقل سوقنا ليس لنا فماذا يعني ان استثمر ب مبلغ قليل مدري من جد احس ان الاسهم

يبيلها مستثمر عنده قروووووووووش فمثلا استثمار ب سابك مثلا

شراء اسهم سابك سعر السهم 92×100=9200ريال محد عنده توفير من راتبه مبلغ

9200 وحتى توفر ارتفع اسهم واصبح 99×100=9900 كم المكسب 700

نقص منه قيمة البنك كم يبقى لك

واذا قلنا النقل الجماعي 7×1000=7000 وارتفع نص اوريال بعد اي بعد اشهر واعتقد كما تعلمت

من هذا الموقع الرائع ربح بعد اشهر او سنه بمبلغ قليل ليس مكسب او حتى استثمار انا اعتقد

اننى نحن صغار المتعاملين ليس لنا غير الاكتتاب فقط وان كان لايخارج الان ولكن

يبقى هذا الذي ارجو الا ينافسونه عليه الهوامييييييييييييير عليه تكفووووووون

السلام عليكم

عن نفسي مطبق الكلام اللي قاله اخوي السهم الساحلي بحذافيره
في طيبة والاتصالات السعودية

وما احمل هم المضاربة ابد
لكني اضيف عليه نقطة بسيطة فقط
لو ارتفع اي سهم بنسبة كبيرة 50% او اكثر
لا اتردد في البيع لان ما ساجنيه في 5سنوات مثلا من ارباح السهم قد تحقق في هذا الارتفاع
واقوم بدراسة سهم اخر لم يرتفع وادخل فيه
(لانه ليس هناك استثمار الى الابد)

نصيحة أخ

لاتستثمر في السوق السعودي بالذات في هذا الوقت فالأوضاع غير مستقرة

وقد تخسر كل شيء !!

حاول أن تكون مضارب يومي أفضل ..

اضافة

حتى الارباح الموزعة اشتري بها الى ان يتكون لدي اكبر عدد من الاسهم
بعدها يتم التوقف عن الشراء (حدد انت عدد اسهم معين )
او عدد من السنوات التي تريد الشراء فيها ثم التوقف بعدها

بعدها سترى زرعك الذي زرعت قد نما واينعت ثماره وما عليك الا قطف الثمار سنويا

والله يوفقك دنيا واخرة