|
خبر هام للي بيشتري ارض في نمار او عريض
السلام عليكم ورضحمه الله وبركاته وش اخباركم ان شاء الله بخير الايام هذي كثرت الاشاعات بها المنتدي بوجود مطار وجامعة في اراضي عريض وذلك يبغون الناس يشترون في تلك الاراضي ويتهقون فيها اسمعوا الكلام اللي ماغيره كلام وربي بيحاسبني ان كذبت عليكم .... عريض لاهو جايه لا مطار ولا جامعة اسمعوا الكلام يلي بيشترون بس بيحطون فيها ( سكه حديد ) تطلع على طريق الحوطه وبالنسبه لاارضي نمار للي شروا فيها وتوهقوا ( ونا اول واحد فيهم ) حديقة الملك عبدالله غيروها ماهي حديقه الحين بيحطونها ( اسكان خيرية ) بس و( مدرج سباق راليات على خط تركيا ( يعني بعد وزارة الداخلية بــ10 كيلوعلى اليمين ونت وجهك جنوب واللي ماهو مصدق يروح يتاكد ....... الخلاصة ( اقول خافوا الله ياصحاب محل العقارات توهقون الناس باراضي لا فيها لا مويه ولا كهرب يبغالها 50 سنه قدام عشان يجيها وتقولون بجيها بجيها .... وكلامي هذا ماهو جاي عبث سئلت واحد يشتغل في الاراضي والمخططات بالبطحاء ومن اخوياي بالاستراحه:504: |
عزيزي بتبيع ارضك الي في نمار
|
اصلا لو فيه شي مهم في المخطط
صغار المستثمرين اخر من يعلم ولا وراح يعرفون الا بعد ما يرتفع العقار اضعاف اما الاشاعات هم اول من يدري عنه والجماعة يصرفون عليهم |
انا ماعندي مانع تصرفون علي .. عندكم اراضي للبيع |
اقتباس:
سواليف استراحة والظاهر ان اخبارك من وكالة يقولون الله المستعان شكل ربعك اللي جالس معهم في الأستراحة مدراء بلديات ورؤوساء مشاريع الله المستعان انصحك انك ما تذكر شيئ الا بوجود حقائق ومصادر موثوقة على العموم كلامك هذا بشأن الحدائق الملكية مردود عليك تبي الدليل رح شف جريدة الرياض عدد السبت 13 رمضان1432 ص 21 فيه خبر يتحدث عن الحدائق النباتية في الرياض وفيه جزء يتحدث عن الحدائق الملكية وانه تم نسيق الأرض بنسبة40% وما راح احط الرابط رح انت وشفه |
اقتباس:
هذا زبون بيشتري ارضك اطرحها هنا الظاهر ان ربعك في الأستراحة هم اللي راح يوهقونك |
اذا يبغى لها خمسين سنة نخليها للورثة يتهنون فيها ويمكن يحطون فيها قطار مثل بتاع اوروبا
|
لااستطيع الافــتاء بخوص المطـار او الكهرباء
ولكن مســالة خمسين سنــه هذي قويــه بصراحه لو تبي تقعد خمسين سنه ع كلامك ما سفلـتوو الشوراع كلامك غير مقنع بصراحه اذا انت متاكد من كلامك ابي تعطيني ادلــه عشان اعتمد كلامك اذا بتكتب موضوع اكتب لنا من وين خذيته الكلام هذا مو تقول من خويي انا خويي يقول الاسعار بترتفع والثاني يقول بتطيح للارض والثاني يقوول ماادري كلام فلان وعلان مايجيب نتيجه ابدا راح يضيعوونك اخوياك لو مافيه خير هالمخططات مالقيتنا حاطين مكاتبنا وندور الرزق الحلال وانا ليس لي علم بخصوص المطار او الجامعه ولكن بناء ع كلام الجرايد بكل صراحه اوما مسالة القطار اول مره اسمع فيــه اذا تبي تكتب شي يليت تثبته بحقــائق وادلـه |
اطرح ارضك هنا وشف كم تسوى ؟
|
بغظ النظر عن كل ما يكتب من تحسينات وبهرجه زائده عن اللزوم
ولو حولو حدائق الملك عبدالله الى بسا تين ورود وياسمين فأن السكن في عريض وجنوب الرياض كله غير صالح والسبب واضح للجميع الروايح الكريهه ومصنع الاسمنت وسوق الاغنام وغيرها الكثير الكثير أنا أقول غير صالح للسكن ألادمي نها ئياً وهو بحالته الراهنه بس الشريطيه مسوين له دعايه في الجرائد ويدفعون لبعض الصحفيين الجدد حتى يلمعون صوره الاحياء القذره والغير صالح للسكن حتى يتورط فيها المساكين أعرف أن البعض بيقول لي متخلف ولكن أحضر لك شخص ساكن في الرياض أو غير الرياض وأحضره الى جنوب الرياض وأطلب منه السكن لمده أربعه وعشرون ساعه وحلفه بالله هل هذا مناسب للسكن الدائم وأنظر واستمع لكلا مه |
| الساعة الآن 01:41 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.